छत्रपती संभाजीनगर नदीपात्रा शेजारी गुरे चारतांना वाहून गेल्याने ३८ वर्षीय तरुणाचा मृत्यू ANC : छत्रपती संभाजीनगरच्या कन्नड तालुक्यातील शिवना टाकळी धरणातून विसर्ग सुरू असताना नदीपात्रालगत गुरे चारत असताना अचानक पाण्याचा प्रवाह वाढला. पाण्याचा अंदाज न आल्याने ३८ वर्षीय तरुण नदीच्या पाण्यात वाहून गेला. तब्बल दोन किलोमीटर अंतरावर तरुणाचा मृतदेह आढळून आला आहे. लव्हाळी येथील भारत रावसाहेब डगळे असे तरुणाचं नाव असून त्याच्या पश्चात आजी,आई-वडील,पत्नी, एक मुलगा,एक मुलगी असा परिवार आहे. एकुलता एक मुलगा गेल्याने कुटुंबावर दुःखाचा डोंगर कोसळला आहे.