नवी मुंबईतील दिघा येथील वन क्षेत्रात रस्त्याच्या आरसीसी बांधकामासाठी जेसीबिच्या सहाय्याने अनधिकृत पणे सुरु असलेले रेती उत्खननाचे काम थांबवत कारवाई केली असता नगरसेवक ममीत चौगुले यांनी कारवाईत अटकाव करुन रोजंदारी वरील वन मजुराची कॉलर पकडून त्याला जेसीबि मधून खाली ओढत कारवाईत अटकावं केल्या प्रकरणी रबाळे एमआयडीसी पोलीस ठाण्यात गुन्हा दाखल करण्यात आलाय. वन अधिकाऱ्यांनी तक्रार दिल्याने हा गुन्हा दाखल करण्यात आला असून या कारवाई वरून पुन्हा एकदा शिवसेना शिंदे गट विरुद्ध वनमंत्री गणेश नाईक यांच्यातील वादाची किनार समोर आलेय. ममीत चौगुले हे शिवसेना शिंदे गटाचे नगरसेवक आणि शिवसेना उपनेते विजय चौगुले यांचे सुपुत्र आहेत. गणेश नाईक हे एकनाथ शिंदे यांच्यावर करत असलेल्या टिकेला विजय चौगुले हे प्रतिउत्तर देत असतात. त्यामुळे वन अधिकाऱ्यांनी केलेल्या कारवाईला राजकीय दृष्टीने देखिल पाहिले जात असून आता यावर शिवसेना शिंदे गट काय प्रतिउत्तर देणार हे पाहणे महत्वाचे ठरणार आहे.