अतिवृष्टीच्या मदतीवरून खासदार ओमराजे निंबाळकर आणि भाजपा आमदार राणा जगजीत सिंह पाटील यांच्यात वाद पेटला. चुकीची माहिती पसरवू नका, माहिती घेऊन बोला. भाजपा आमदार राणा जगजीत सिंह पाटील यांचा खासदार ओमराजे निंबाळकर यांना सल्ला. धाराशिवमध्ये अतिवृष्टीच्या मदत प्रस्तावावरून राजकारण तापलं आहे… खासदार ओमराजे निंबाळकर आणि भाजप आमदार राणा जगजितसिंह पाटील यांनी जोरदार शब्दयुद्ध रंगलं आहे. केंद्र सरकारने अतिवृष्टीग्रस्त शेतकऱ्यांना किती मदत केली— राज्य सरकारने केंद्राकडे मदतीचा प्रस्तावच पाठवला नाही .असा प्रश्न खासदार ओमराजे निंबाळकर यांनी लोकसभेत उपस्थित केला होता. यावरूनच भाजपाचे आमदार राणा जगजितसिंह पाटील यांनी पलटवार करत खासदार ओमराजेंना ‘अर्धवट माहिती पसरवू नका’ असा तीखा टोला लगावला आहे. आमदार पाटील म्हणतात— राज्यातील शेतकऱ्यांना मदत करताना केंद्राच्या मदतीची वाट न पाहता, राज्य सरकारने SDRF, NDRF च्या पलीकडे जाऊन मदत केली. मुख्यमंत्री आणि दोन्ही उपमुख्यमंत्र्यांनी २० हजार कोटी रुपयांपेक्षा जास्त मदत देण्याचा निर्णय घेतला होता… आणि त्यापैकी १४ हजार कोटी रुपये शेतकऱ्यांच्या खात्यात जमा झाल्याचा दावा त्यांनी केला आहे. विरोधातील प्रतिनिधींनी अर्ध्या माहितीच्या आधारावर विधान करू नये. प्रत्येकाने आपल्या जिल्ह्यातील सविस्तर माहिती घेऊनच बोलावं.