धाराशिवमध्ये माजी मंत्री tanaji सावंत यांना मोठा झटका, घरातून बंडखोरी. तानाजी सावंत यांच्याविरोधात पुतण्या धनंजय सावंत यांच्या बंड. परांडा तालुक्यात जिल्हा परिषद आणि पंचायत समितीसाठी स्वतंत्र उमेदवार रिंगणात. राज्याचे माजी आरोग्य मंत्री तानाजीराव सावंत यांच्या विरोधात त्यांचा पुतण्या धनंजय सावंत यांनी बंडाचा झेंडा फडकवला आहे. धनंजय सावंत यांनी बंड पुकारून परंडा तालुक्यातील जिल्हा परिषदेच्या पाच तर पंचायत समितीच्या दहा जागेवर आपल्या समर्थकासह आज बुधवारी दुपारी १:४५ वाजता उमेदवारी अर्ज दाखल केला. धनंजय सावंत यांनी बंड पुकारल्याने परंडा तालुका शिवसेनेला खिंडार पडले असून, आमदार तानाजी सावंत यांच्या साम्राज्याला मोठा धक्का पोहोचला आहे.