अँकर - राजकीय वर्तुळात सध्या भाजप मंत्री नितेश राणे आणि नाशिकचे भाजप पदाधिकारी सुधाकर बडगुजर यांच्या भेटीची, बडगुजर यांनी नितेश राणे यांना पुष्पगुच्छ देत केलेल्या स्वागताची आणि राणे यांनी हसतमुख चेहऱ्याने स्वीकारलेल्या त्या स्वागताची जोरदार चर्चा रंगलीये. सलीम कुत्ता प्रकरणावरून नितेश राणेंनी बडगुजर यांना देशद्रोही ठरवले होते, या मुद्द्यावरुन आक्रमक होत राणे यांनी अधिवेशन गाजवले होते तर भाजपनेही त्यांच्या विरोधात जोरदार प्रचार केला होता पण काळाच्या ओघात परिस्थिती बदलली. काही महिन्यापूर्वी सुधाकर बडगुजर भाजपात दाखल झाले आणि गुरुवारी त्यांनीच नाशिकमध्ये दाखल झालेल्या नितेश राणेंचे स्वागत केले. भाजप कार्यालयात त्यांच्यामध्ये चर्चाही झाली, मंचावर नितेश राणेंच्या रांगेतही बडगुजर बसले होते. याशिवाय सायंकाळी गोदाकाठी झालेल्या महाआरतीला दोघेही उपस्थित होते. सोशल मिडीयात सध्या राणे, बडगुजर भेटीचे हे फोटोज सोशल मिडीयात जोरदार व्हायरल होत असून रंगतदार चर्चा रंगलीय. सुधाकर बडगुजर हे एकेकाळी संजय राऊत यांचे अत्यंत निकटवर्तीय होते. बडगुजर यांनीच नारायण राणे यांच्याविरोधात तक्रार दाखल केली होती त्यानंतर नाशिक पोलिसांनी राणेंच्या अटकेसाठी मोर्चा थेट कोकणकडे वळवला होता.. एकंदरीतच काय तर राजकारणात कोणीही कोणाचे कायमस्वरूपी मित्र किंवा शत्रू नसतात हे पुन्हा एकदा सिद्ध झालं असून कार्यकर्त्यांची काय ति बिचाऱ्यांची अडचण होतेय हे मात्र नक्की..