लातूर ब्रेकिंग न्यूज.‌‌.. स्किप्ट ::- ज्येष्ठ विचारवंत डॉ. जे. एम. वाघमारे यांचे वृद्धापकाळाने निधन...‌ माजी खासदार आणि माजी कुलगुरूंच्या जाण्याने शैक्षणिक क्षेत्रात शोककळा... AC ::- लातूर जिल्ह्याचे ज्येष्ठ विचारवंत, शिक्षणतज्ज्ञ, माजी खासदार आणि स्वामी रामानंद तीर्थ मराठवाडा विद्यापीठाचे माजी कुलगुरू डॉ. जे. एम. वाघमारे यांचे वृद्धापकाळाने दुःखद निधन झाले आहे. त्यांच्या निधनामुळे शैक्षणिक, सामाजिक आणि राजकीय क्षेत्रात शोककळा पसरली आहे. डॉ. वाघमारे यांनी शिक्षण क्षेत्रात मोठे योगदान देत मराठवाड्यातील उच्च शिक्षणाला नवी दिशा दिली. कुलगुरू म्हणून कार्य करताना त्यांनी गुणवत्तापूर्ण शिक्षण, संशोधन आणि सामाजिक बांधिलकी यावर विशेष भर दिला. राजकारणातही त्यांचा प्रवास उल्लेखनीय राहिला. लातूर नगरपालिकेचे नगराध्यक्ष म्हणून त्यांनी आपल्या राजकीय कारकिर्दीची सुरुवात केली आणि पुढे राष्ट्रवादी काँग्रेस पक्षाकडून राज्यसभेवर खासदार म्हणून प्रतिनिधित्व केले. स्थानिक स्वराज्य संस्थेपासून ते संसदेपर्यंतचा त्यांचा प्रवास प्रेरणादायी मानला जातो. खासदार म्हणून त्यांनी लोकहिताचे प्रश्न प्रभावीपणे मांडले. त्यांच्या पार्थिवावर औसा तालुक्यातील त्यांच्या मूळगावी कवठा येथे अंत्यसंस्कार करण्यात येणार आहेत. विविध क्षेत्रातील मान्यवर, विद्यार्थी आणि नागरिक त्यांच्या अंतिम दर्शनासाठी उपस्थित राहणार आहेत. डॉ. वाघमारे यांच्या निधनाने मराठवाड्याने एक प्रगल्भ विचारवंत, शिक्षणतज्ज्ञ आणि दूरदृष्टी असलेला नेता गमावला आहे.