कोल्हापूर जिल्हा परिषद निवडणुकीमध्ये तिकीट मिळाले नाही म्हणून नाराज झालेल्या अजित पवार राष्ट्रवादीच्या महिला अध्यक्षा शितल फराकटे यांनी आज शिवसेनेत प्रवेश केलाय. जिल्ह्यातील बोरवडे जिल्हा परिषद मतदार संघातून फराकटे इच्छुक होत्या. पण जिल्ह्यातील राष्ट्रवादीचे नेते हसन मुश्रीफ यांनी तिकीट नाकारलं असल्याचे कारण देत शिवसेनेत पक्षप्रवेश केलाय. शीतल फराकटे याचा पक्ष प्रवेश राष्ट्रवादीसाठी डोकेदुखी ठरला आहे. कारण राष्ट्रवादीच्या फायरब्रँड नेत्या म्हणून त्या व्यासपीठ गाजवत होत्या.