पुणे पदवीधर मतदार संघाच्या निवडणुकीत उमेदवार कोण असणार यावरून महायुतीच्या नेत्यांमध्येच कलगीतुरा रंगला आहे. भाजप नेते राज्याचे उच्च शिक्षण मंत्री चंद्रकांत पाटील यांनी शरद लाड यांची उमेदवारी जाहीर करताच राष्ट्रवादीचे नेते मंत्री हसन मुश्रीफ यांनी लाड कसे निवडून येणार नाहीत याचे गणित मुख्यमंत्री यांना पटवून सांगू असं म्हणत लाड यांच्या उमेदवारीला तीव्र विरोध केलाय. पुणे पदवीधर मतदार संघाच्या उमेदवारीवरून महायुतीत तीव्र मतभेद. मंत्री चंद्रकांत पाटील यांनी शरद लाड यांना उमेदवारी मिळेल असे संकेत देताच मुश्रीफांनी केला तीव्र विरोध. शरद लाड कसे निवडून येणार नाहीत याचे गणित मुख्यमंत्री देवेंद्र फडणवीस यांच्यासमोर मांडू असं म्हणत मुश्रीफांनी शरद लाड यांच्या उमेदवारीला कडाडून विरोध केलाय. महायुतीमध्ये बेबनाव दर्शवणारी वक्तव्य केल्याने महायुतीतच वादाची किनार असल्याचे समोर.