बेळगाव महानगरपालिकेत मराठी भाषिकांच्या भूमिकेविरोधात नवा ठराव येण्याची शक्यता निर्माण झाली आहे. कन्नड संघटनांकडून महाजन आयोगाची अंमलबजावणी करून सीमा प्रश्न संपल्याचा ठराव करावा, अशी जोरदार मागणी करण्यात येत आहे. या पार्श्वभूमीवर बेळगावच्या महापौरांची भूमिका काय असेल, याकडे सर्वांचे लक्ष लागले आहे. सध्या बेळगाव महानगरपालिकेत भाजपची सत्ता असून महापौर आणि उपमहापौर हे कन्नड भाषिक आहेत. दरम्यान, 2005 साली बेळगाव महानगरपालिकेत सीमाभाग महाराष्ट्रात विलीन करण्यात यावा, असा ठराव मंजूर करण्यात आला होता. त्या ठरावाला विरोध म्हणून आत्ता कन्नड संघटनांनी तीव्र भूमिका घेतली आहे. दरम्यान कन्नड संघटनांच्या या भूमिकेला महाराष्ट्र एकीकरण समिती त्याचबरोबर ठाकरे शिवसेनेनं तीव्र विरोध केला है. अशा प्रकारचा ठराव महापौरांनी करू नये अन्यथा उद्रेक होईल असं शिवसेना ठाकरे गटाचे नेते विजय देवणे यांच्या म्हटले आहे.