कर्नाटकातील सौंदत्ती डोंगरावरील रेणुका यात्रेनंतर कोल्हापूरात होणा-या यल्लम्मा देवीच्या यात्रेला अनन्य साधारण महत्त्व आहे. ही यात्रा उदं ग देवी उदं च्या जयघोषात आज सुरू आहे. या यात्रेला ओढ्यावरच्या यात्रा म्हणुनही ओळखलं जातं. या यात्रेसाठी कोल्हापूर जिल्हयातील भाविकांनी मोठी गर्दी केली होती. दरवर्षी मार्गशीर्ष चतुदर्शीला कर्नाटकातील सौंदत्ती डोंगरावर श्री रेणुका देवीची यात्रा होते. याला कंकण विमोचन सोहळा म्हणुन ओळखलं जातं. श्री जमदग्नीच्या वधानंतर रेणुकादेवीला वैधव्य येते. या विधीसाठी कोल्हापूरातील मानाचे जग कर्नाटकातील सौंदत्तीला रवाणा होतात. तीथली यात्रा झाली की यल्लमादेवी आणि तिच्यासोबत विधवा होऊन देवदासीँ कोल्हापूरात परततात. या सगळ्याचं सांत्वन करण्याचा दिवस म्हणजे यल्लम्मा देवीची यात्रा होय. या यात्रेच्यास येताना भाविक यल्लमादेवीचे आवडते अन्नपदार्थ म्हणजे दहीभात , अंबिल, वडी -भाकरी , वरना -वांग्याची आणि मेथीची भाजी गाजर , केळी , कांद्याची पात ,लिंबू आणि फळे देवीला अर्पण करतात. हे पदार्थ देवीला अर्पण करुन देवीचे दुख हलक करण्याची प्रथा अनेक वर्षांची आहे. राज्यात अनेक ठिकाणी भरणा-या यात्रा जत्र्यांना वेगवेगळे धार्मिक महत्त्व आहे. असंच महत्त्व कोल्हापूरातील या यल्लाम्मादेवीच्या यात्रेला आहे. त्यामुळचं कोल्हापूर जिल्ह्यातील भक्त आवर्जुन देवीच्या यात्रेला हजेरी लावतात.