छत्रपती संभाजीनगर: आयटी पार्क मधील सामुदायिक स्वयंपाकघरात गॅसची अडचण नसल्यामुळे 40 हजार विद्यार्थ्यांसाठी सोलारवर खिचडी शिजवली जाते. वाफेच्या यंत्रणा, सौरऊर्जेच्या मदतीने खिचडी शिजवली जाते. एलपीजी गॅस सिलिंडरच्या टंचाईच्या पार्श्वभूमीवर, या स्वयंपाकघरात वाफेवर चालणारी यंत्रणा आणि सौरऊर्जेचा वापर करून प्रभावी पर्याय तयार झाला आहे. या प्रणालीमुळे दररोज सुमारे 35 ते 40 हजार विद्यार्थ्यांसाठी पोषणमूल्ये जपून अन्न शिजवले जाते, तसेच एलपीजीवर अवलंबून न राहता सौरऊर्जेचा वापर केला जातो. चिकलठाणा औद्योगिक परिसरातील आयटी पार्क येथे त्यांच्या वतीने सामुदायिक स्वयंपाकघर चालविले जाते. आज जिल्ह्यातील दररोज 40 हजार शालेय विद्यार्थ्यांपर्यंत शालेय पोषण आहार तयार करून पोहचविण्याचे काम केले जाते. शहरी भागातील सुमारे 168 शाळा आणि त्यातील 38 हजार विद्यार्थी तसेच 80 बालवाड्यांमधील 3500 बालकांपर्यंत हा आहार पोहोचवला जातो. शासकीय कर्करोग रुग्णालयातील रुग्ण आणि त्यांच्या नातेवाइकांसाठी दररोज जेवण देण्यात येत आहे. त्यामुळे छत्रपती संभाजीनगरच्या IT पार्क मध्ये गॅस सिलिंडरची झंझट नसल्याचं चित्र पहायला मिळत आहे.