कोल्हापूर शहरा शेजारी असणाऱ्या उजळाईवाडी इथ शेजारच्या घरावर चेंडू आणण्यासाठी गेलेल्या १३ वर्षीय शाळकरी मुलाचा विद्युत वाहिनीच्या संपर्कात येऊन मृत्यू झाल्याची घटना घडली आहे. अफान असिफ बागवान असे मृत मुलाचे नाव आहे. शाळेला सुटी असल्याने तो सकाळी मित्रांसोबत क्रिकेट खेळण्यासाठी घराबाहेर पडला. खेळताना चेंडू शेजारील हनुमंत खांडेकर यांच्या इमारतीवर गेला. तो आणण्यासाठी तो टेरेसवर गेला असता घराच्या अगदी दीड-दोन फूट अंतरावरून जाणाऱ्या ११००० व्होल्ट क्षमतेच्या उच्चदब वाहिनीचा त्याला संपर्क झाल्याच जोराचा विद्युत धक्का बसला. यामध्ये त्याचा जागीच मृत्यू झाला. या इमारतीवरून विमानतळाला पुरवठा करणारी उच्चदब वाहिनी जाते. घटनेनंतर परिसरातील नागरिकांनी घटनास्थळी धाव घेतली.