करवीर निवासिनी आई अंबाबाईचे मंदिर गाभारा संवर्धनाचे काम सुरू झाले आहे. त्यामुळे अंबाबाई देवीच्या भक्तांना देवीच्या मूळ मूर्तीचे दर्शन करता येणार नाही. मंदिरात सध्या पुरातत्व विभागाच्या वतीने मंदिर संवर्धन आणि देखभाल दुरुस्तीचे काम युद्धपातळीवर सुरू आहे. पण बाहेरून येणाऱ्या भक्तांना देवीचे दर्शन करता यावे यासाठी अंबाबाई देवीची उत्सव मूर्ती आणि तत्व कलशाचे दर्शन घेण्याची व्यवस्था मंदिरात करण्यात आली आहे. ही संवर्धन प्रक्रिया पूर्ण झाल्यानंतर 18 मार्च पासून अंबाबाई देवीच्या मूळ मूर्तीचे दर्शन पुन्हा सुरू होणार आहे. याचाच आढावा घेतला आहे आमचे प्रतिनिधी प्रताप नाईक यांनी.