युद्ध के कारण गैस सिलेंडर की कमी, लोग अब कोयला इस्तेमाल कर रहे हैं

आखाती देशांच्या युद्धामुळे घरगुती सिलेंडरचा तुटवडा, व्यावसायिक सिलेंडर बंद यामुळे अनेक व्यवसाय बंद होण्याच्या मार्गावर असल्याने त्याला पर्याय म्हणून नागरिक कोळश्याकडे वळालेले आहेत. पर्यायाने कोळशाच्या मागणीत आता वाढ झाली आहे. इराण अमेरिका इस्राईल युद्धाचा परिणाम आता संपूर्ण जगावर दिसून आला आहे. काही ठिकाणी घरगुती गॅस, CNG आदींचा तुटवडा जाणवू लागला. आता पोट भरण्यासाठी व्यावसायिक सिलेंडरच्या ऐवजी चूल पेटवण्यासाठी, कपडे इस्त्री करण्यासाठी आदींसाठी आता कोळशाची वापर सुरू झाला असून त्याची मागणी वाढल्याने कोळशाचा दरात देखील 5 ते 10 रुपयांनी वाढ होऊन ग्राहकांना याचा फटका बसू लागला आहे. नेहमीपेक्षा आता नवीन ग्राहक कोळसा खरेदी करण्यासाठी येत आहेत तर काही नागरिकांना कोळसा कुठे मिळतो देखील माहीत नसल्याने ते त्याचा शोध घेत आहेत. भविष्यात कोळशाचा देखील तुटवडा निर्माण होण्याची शक्यता वर्तवली जात असून आता मात्र कोळसा वापरण्यास नागरिकांचा कल वाढला असून त्याची मागणी वाढली आहे. एकंदरीत बघितले तर युद्धाची झळ मोठ्या प्रमाणावर सामान्य नागरिकांपर्यंत पोहचू लागल्याने मोठे आर्थिक संकट देखील उभा राहून जीवनमान खालावण्याची चित्रे दिसू लागली आहेत. लवकरच यावर तोडगा काढावा अशी अनेकांनी आशा व्यक्त केली आहे.