माजी कॅबिनेट मंत्री भारत बोंद्रे यांचे निधन ज्येष्ठ राजकीय नेते आणि माजी कॅबिनेट मंत्री भारतभाऊ बोंद्रे यांचे वयाच्या ८४ व्या वर्षी दुःखद निधन झाले आहे. बुलढाणा जिल्ह्याच्या विकासात त्यांचे मोठे योगदान राहिले असून, त्यांच्या निधनाने जिल्ह्यावर आणि राज्याच्या राजकारणावर शोककळा पसरली आहे. राजकीय कारकीर्द भारतभाऊंनी आपल्या प्रदीर्घ राजकीय कारकिर्दीत अनेक महत्त्वाची पदे भूषविली. * ते १९७२ मध्ये पहिल्यांदा आमदार झाले. * ते १९७८ ते २००२ पर्यंत त्यांनी आमदार म्हणून प्रतिनिधीत्व केले. या काळात त्यांनी शिक्षण मंत्री, पाटबंधारे मंत्री, कॅबिनेट मंत्री आणि उद्योग मंत्री यांसारखी विविध पदे सांभाळली. भारतभाऊ हे त्यांच्या कामामुळे कायम स्मरणात राहतील. त्यांच्या कार्यकाळात बुलढाणा जिल्ह्यामध्ये अनेक महत्त्वाकांक्षी प्रकल्प मार्गी लागले. जिगाव, खडकपूर्णा, पेनटाकळी यांसारखे विविध दीडशे लहान-मोठे प्रकल्प त्यांच्या प्रयत्नांनी पूर्ण झाले.औद्योगिक विकास: चिखली येथे ५०० एकर जागेवर एमआयडीसी त्यांच्या काळात मार्गी लागली, ज्यामुळे भागातील औद्योगिक विकासाला चालना मिळाली..