छत्रपती संभाजीनगर मध्ये समृद्धी महामार्गावर कारचे टायर पंक्चर झाल्याने कार बाजूला घेणाऱ्या दोन जणांना अज्ञात वाहनाने धडक दिल्याने दोन जण जागीच ठार झाले. ही घटना समृद्धी महामार्गावर जयपूर शिवारात घडली. या अपघातात कार चालक योगेश दत्तात्रय घाटेकर  आणि  शेतकरी देविदास नाना मते  हे दोघे ठार झाले, तर बाळू विश्वनाथ घाटेकर  हे गंभीर जखमी झाले. योगेश दत्तात्रेय घाटेकर हे कारने समृद्धी महामार्गाने निफाडहून रेशीम विक्रीसाठी जालना येथे जात होते. प्रवासादरम्यान त्यांनी त्यांच्या मदतीसाठी धावले. ते तिघे कारच्या बाजूला उभे असताना याच दरम्यान छत्रपती संभाजीनगरकडून येणाऱ्या भरधाव आयशरने तिघांना जोराची धडक दिली. या अपघातात कार चालक घाटेकर आणि मदतीला आलेले शेतकरी मते हे दोघे जागीच ठार झाले. तर गाडीत सोबत असलेले बाळू घाटेकर हे गंभीर जखमी झाले.