जिल्हा परिषद, मनपा निवडणुकीच्या पार्श्वभूमीवर छत्रपती संभाजी नगरात  राजकीय हालचालींना वेग आला आहे. मुख्यमंत्री देवेंद्र फडणवीस, उपमुख्यमंत्री एकनाथ शिंदे आज  शहरात येणार आहेत. ते निवडणुकांसाठी  नियोजन बैठक आणि कार्यकर्ता मेळावा घेणार आहेत. पालकमंत्री संजय सिरसाट, पर्यावरणमंत्री पंकजा मुंडे आणि भाजपचे प्रदेशाध्यक्ष रवींद्र चव्हाण यांच्यासह जिल्ह्यातील खासदार, आमदार उपस्थित राहणार आहेत.  निवडणुकीसंदर्भात भाजपची मराठवाड्याची बैठक जिमखाना क्लब येथे आहे. या ठिकाणी दुपारी साडेचार वाजता मुख्यमंत्री उपस्थित राहणार आहेत. शिवसेना शिंदे गटाचा मेळावा संत एकनाथ नाट्यमंदिरात दुपारी ३ वाजता होणार आहे. त्यानंतर सव्वाचार वाजता मध्यवर्ती प्रचार कार्यालयाचे शिंदे यांच्या हस्ते उद्घाटन होईल.