बनावट आयएएस कल्पना भागवतचे अफगाणिस्तान-पाकिस्तान कनेक्शनचे धागेदोरे समोर येत आहेत. अफगाणी मित्र अशरफच्या भावाच्या पाकिस्तानातील रेस्टॉरंटसाठी कल्पनाने ३ लाख रुपये हवालामार्फत पाठवल्याचे तपासात उघड झाले आहे. ही रक्कम तिने आधी अशरफला दिल्लीत पाठवली. तेथून त्याने मित्राच्या मदतीने ती hवालामार्फत पाकमध्ये पोहोचवली. दोघांनी किती रक्कम फिरवली हे मात्र अद्याप गूढ आहे. कल्पनाच्या बँक खात्यात तब्बल ३२ लाखांचे व्यवहार झाले. शहरातील एका बिल्डरने तिला पैसे दिले होते. तसेच तिने दोन बड्या राजकीय नेत्यांकडेही पैशांची मागणी केल्याचे तपासात समोर आले. अशरफचा शोध सुरू असून त्याचे लोकेशन हरियाणात आढळल्यानंतर गुप्तचर यंत्रणेचे एक पथक तिकडे गेले आहे... ही महिला छत्रपती संभाजीनगर मध्ये सहा महिने एका पंचतारांकित हॉटेलमध्ये राहत होती पोलिसांनी संशयानंतर तिची चौकशी केली आणि नंतर हा सगळा प्रकार उघड झाला आहे...