Manish Shanker Mohali ਥਾਣੇਦਾਰ ਨੂੰ ਧੱਕਾ ਦੇ ਕੇ ਪੇਸ਼ੀ ਆਇਆ ਮੁਲਜਮ ਹੋਇਆ ਫਰਾਰ, ਰਾਹਗੀਰਾਂ ਨੇ ਫੜ ਕੇ ਕੁੱਟਿਆ ਕੀਤਾ ਪੁਲਿਸ ਹਵਾਲੇ। ਮੋਹਾਲੀ ਦੇ ਸਨਤੀ ਖੇਤਰ ਪੁਲਿਸ ਚੌਂਕੀ ਵੱਲੋਂ ਝਪਟ ਮਾਰ ਅਤੇ ਚੋਰ ਗੈਂਗ ਦਾ ਪਰਦਾਫਾਸ਼ ਕਰਦੇ ਹੋਏ ਤਿੰਨ ਮੈਂਬਰਾਂ ਦੀ ਗ੍ਰਿਫਤਾਰ ਕਰਨ ਵਿੱਚ ਸਫਲਤਾ ਹਾਸਿਲ ਹੋਈ ਹੈ। ਜਿਹੜਾ ਵਿੱਚੋਂ ਇੱਕ ਮੁਲਜਮ ਹਰਮਨਦੀਪ ਸਿੰਘ ਵਾਸੀ ਅੰਮ੍ਰਿਤਸਰ ਨੂੰ ਜਦੋਂ ਅਦਾਲਤ ਪੇਸ਼ ਕਰਕੇ ਰਿਮਾਂਡ ਲੈਣ ਉਪਰੰਤ ਵਾਪਸ ਥਾਣੇ ਲਜਾਇਆ ਜਾ ਰਿਹਾ ਸੀ ਤਾਂ ਉਹ ਥਾਣੇਦਾਰ ਰਣਜੀਤ ਸਿੰਘ ਨੂੰ ਧੱਕਾ ਮਾਰ ਕੇ ਮੌਕੇ ਤੋਂ ਫਰਾਰ ਹੋਣ ਵਿੱਚ ਕਾਮਯਾਬ ਰਿਹਾ ਲੇਕਿਨ ਪੁਲਿਸ ਅਧਿਕਾਰੀਆਂ ਵੱਲੋਂ ਉਸ ਦਾ ਪਿੱਛਾ ਕੀਤਾ ਗਿਆ ਅਤੇ ਮੁੱਖ ਮਾਰਗ ਤੇ ਭੱਜਦੇ ਹੋਏ ਨੂੰ ਲੋਕਾਂ ਦੀ ਮਦਦ ਨਾਲ ਕਾਬੂ ਕਰ ਲਿਆ ਗਿਆ। ਭੱਜਣ ਦੌਰਾਨ ਹਰਮਨਦੀਪ ਸਿੰਘ ਆਰੋਪੀ ਵਾਹਣ ਨਾਲ ਟਕਰਾ ਗਿਆ ਅਤੇ ਗਿਰ ਗਿਆ ਜਿੱਥੇ ਕੁਝ ਲੋਕ ਮੌਜੂਦ ਸਨ। ਲੋਕਾਂ ਨੇ ਉਸ ਨੂੰ ਕਾਬੂ ਕਰ ਕੇ ਕੁੱਟਿਆ ਫਿਰ ਪੁਲਿਸ ਹਵਾਲੇ ਕਰ ਦਿ਼ਤਾ।