भिवंडीतील वाहतूक समस्येवर पालिका व वाहतूक पोलिसांची संयुक्त बैठक संपन्न. भिवंडी शहरात वाहतूक कोंडी ही नित्याची बाब झाली आहे. यावर उपाय योजना करण्यात स्थानिक पालिका प्रशासन व वाहतूक पोलीस यांच्या उपायोजना कुचकामी ठरत असल्याने महापौर नारायण चौधरी यांच्या अध्यक्षतेखाली पालिका अधिकारी व वाहतूक विभागाचे पोलीस अधिकारी व स्थानिक पोलीस ठाण्याचे प्रभारी यांच्या संयुक्त बैठकीचे आयोजन पालिका मुख्यालयात करण्यात आले होते. या बैठकीत वाहतूक समस्येवर पालिका व वाहतूक पोलिसांनी संयुक्तिक मार्ग काढावा अशा सूचना देण्यात आल्या. या बैठकीस आमदार आयुक्त उपमहापौर, वाहतूक विभागाचे सहाय्यक पोलिस आयुक्त वाहतूक शाखेचे व स्थानिक पोलिस ठाण्याचे वरिष्ठ पोलिस निरीक्षक, नगरपालिका अधिकारी उपस्थित होते. शहरात अनधिकृत रिक्षा व वाहनांवर कारवाई केल्यानंतर त्यांना ठेवण्या साठी जागा उपलब्ध नसल्याने कारवाई करण्यात अडचणी येत असून, शहरात पार्किंग झोन नसण्याने रस्त्यावर उभी असणारी वाहने, फेरीवाला क्षेत्र निश्चित नसल्याने रस्त्यात ठिकठिकाणी उभे असलेल्या हातगाड्या फेरीवाले व ठिकठिणी खोदून ठेवलेले रस्ते व उड्डाणपूल अवजड वाहनांसाठी बंद असल्यामुळे वाहतूक कोंडी होत असल्यामुळे वाहतूक कोंडी रोखण्यासाठी पालिका व वाहतूक पोलिस प्रशासन यांनी संयुक्त कारवाई करण्याचा निर्णय घेण्यात आलायं.