Feed slug :- AMT_SANTRA_BYTE दोन फाईल आहे रिपोर्टर :– अनिरुद्ध दवाळे, अमरावती 9503131919 अमरावती जिल्ह्यात मुसळधार पावसाचा कहर; संत्रा उत्पादक शेतकरी हवालदिल, शेतकऱ्यांनी नदीत फेकली संत्र अँकर :– गेल्या काही दिवसांपासून कोसळणाऱ्या मुसळधार पावसाने अमरावती जिल्ह्यातील शेतकऱ्यांचे मोठे नुकसान केले आहे. तुर, सोयाबीन, कापूस यांसारख्या पारंपरिक पिकांसोबत अचलपूर, मोर्शी, वरुड, चांदूर बाजार परिसरात घेतले जाणारे संत्र्याचे उत्पादन पूर्णपणे उद्ध्वस्त झाले आहे. पावसामुळे झाडाखालून हजारो क्विंटल संत्री गळून सडली. त्या सडलेल्या फळांवर कीटकांचा प्रादुर्भाव झाला आणि तो कीटक झाडाला लागलेल्या संत्र्यांनाही लागला. परिणामी शेतकऱ्यांनी हतबल होऊन हजारो क्विंटल संत्री गोळा करून ती जवळच्या नदीत फेकून दिली. ही वेळ शेतकऱ्यांसाठी फार वेदनादायक ठरली आहे. शेतकऱ्यांनी घामाच्या थेंबांनी वाढवलेलं सोन्यासारखं पीक नदीत जाताना पाहणं म्हणजे त्यांच्या मेहनतीवर पाणी फेरल्यासारखं आहे. शेतकऱ्यांचा संताप उफाळून आला असून, आठवडाभराच्या आत सरकारने ठोस निर्णय घेतला नाही तर तहसील कार्यालयावर मोर्चा काढण्याचा इशारा त्यांनी दिला आहे.