वाशिम: मागील काही दिवसांपासून तुरीच्या दरात सातत्याने वाढ होत असून, दर आता सात हजार रुपये प्रती क्विंटलच्या दिशेने वाटचाल करत आहेत. जिल्ह्यातील बाजार समितीत तुरीस ६ हजार ७४० रुपये प्रती क्विंटलपर्यंतचा कमाल दर मिळाल्याची नोंद झाली आहे. तुरीचा नवीन हंगाम सुरू होण्यासाठी अद्याप दीड महिन्याचा कालावधी बाकी असताना, सध्याच्या घडीला मागणीच्या तुलनेत पुरवठा कमी असल्याने दरात वाढ होत असल्याचे व्यापाऱ्यांचे म्हणणे आहे. तुरीचे दर सात हजार रुपये प्रती क्विंटलचा टप्पा पार करण्याची शक्यता वर्तवली जात आहे.