अँकर:विजयादशमी निमित्त राष्ट्रीय स्वयंसेवक संघाच्या वतीने दरवर्षीप्रमाणे यंदाही वाशिम येथे शस्त्रपूजन व प्रबोधन शिबिराचे आयोजन करण्यात आले.या कार्यक्रमाला मुख्य अतिथी म्हणून जिल्हा शल्यचिकित्सक डॉ.अनिल कावरखे उपस्थित होते, तर प्रमुख वक्ते म्हणून संघाचे विदर्भ प्रांत कार्यवाह प्रा.अतूल मोघे यांनी मार्गदर्शन केले.व्यासपीठावर नगर संचालक दीपक जहागिरदार आणि नारायणराव जाधव उपस्थित होते.शस्त्रपूजना नंतर केशरी ध्वजारोहण व प्रार्थनेने कार्यक्रमाची सुरुवात झाली.स्वयंसेवकांनी शिस्तबद्ध कदमताल करत संघाचे सामर्थ्य प्रदर्शित केले.डॉ.कावरखे यांनी आपल्या भाषणात संघाचे सामाजिक कार्य आणि राष्ट्रीय योगदान अधोरेखित केले. प्रा.मोघे यांनी संघाच्या स्थापनेपासून ते शताब्दी वर्षापर्यंतच्या प्रवासाचे विवेचन करत संघाच्या देशभरातील ७५ हजार शाखा आणि दीड लाख प्रकल्पांची माहिती दिली.या कार्यक्रमाला विविध मान्यवर, स्वयंसेवक व नागरिकांची उपस्थिती लाभली.