वाशिम जिल्ह्यात वन्यप्राण्यांचा उपद्रव वाढत असून माकडांमुळे शेतकऱ्यांचे मोठे नुकसान होत आहे. मंगरूळपीर तालुक्यातील वनोजा परिसरात माकडांनी संत्रा बागांची मोठ्या प्रमाणावर नासधूस केली आहे. फळे तोडणे, झाडे मोडणे व कच्ची फळे फेकून देण्याच्या प्रकारांमुळे संत्रा उत्पादक अडचणीत सापडले आहेत. यासोबतच रब्बी हंगामातील गहू, हरभरा, ज्वारी, मका आदी पिकांचेही नुकसान झाले आहे. शेतकऱ्यांनी वनविभागाकडे तक्रारी व पंचनामे करूनही महिनोमहिने नुकसानभरपाई न मिळाल्याने वनविभाग दुर्लक्ष करत असल्याचा आरोप शेतकऱ्यांनी केला आहे.