वाशिम जिल्ह्यात नुकत्याच झालेल्या नगरपालिका निवडणुकांमध्ये उमेदवारी अर्ज दाखल करताना कर थकबाकी नसल्याचे प्रमाणपत्र बंधनकारक करण्यात आल्यामुळे नगरपालिकांना मोठा आर्थिक फायदा झाला आहे.या अटीमुळे इच्छुक उमेदवारांना आपली थकीत कररक्कम भरावी लागली, परिणामी जिल्ह्यातील चार नगरपालिका आणि एका नगरपंचायतीच्या निवडणुकांदरम्यान कोट्यवधी रुपयांची करवसुली करण्यात यश आले आहे.विशेष म्हणजे, एकट्या वाशिम नगरपालिकाेतच निवडणूक काळात तब्बल १ कोटी २३ लाख रुपयांची करवसुली झाली आहे.निवडणूक प्रक्रियेच्या निमित्ताने थकीत कर वसूल झाल्याने पालिकेच्या तिजोरीत मोठी भर पडली असून, ही अट स्थानिक स्वराज्य संस्थांसाठी फायदेशीर झाले आहे.