दिवसाढवत दुकानातून पावणे दोन लाखांची चोरी तीन महिला चोरट्यांनी पिशवी केली लंपास चोरीची घटना सीसीटीव्ही कॅमेऱ्यात कैद अंबरनाथच्या बारकूपाडा परिसरात असलेल्या अमिष पूजा भंडार या दुकानातून तब्बल एक लाख 75 हजार रुपये चोरट्यांनी लंपास केल्याची घटना घडलीये. हे चोरटे सीसीटीव्ही कॅमेरा देखील कैद झालेत. राहुल शिंदे यांच्या बारकू पाडा परिसरात आर्टिफिशल हार फुलांचे दुकान आहे. राहुल शिंदे यांना दुकानात आपल्या व्यवसायातील मालाचे पैसे दुकानातच ठेवले होते. मात्र 25 ऑक्टोबर रोजी सायंकाळी सहा वाजताच्या दरम्यान तीन महिला आणि एक लहान मुलगी असे चार जण दुकानात आले आणि त्यांनी दुकानात बसलेल्या शिंदे यांच्या मुलाला बोलण्यात गुंतवत दुकानात ठेवलेली एक लाख 75 हजार रुपयांची बॅग लंपास केली. पैशांची बॅग दुकानात नसल्याच लक्षात येतात शिंदे यांनी सीसीटीव्ही कॅमेरे चेक केले असता त्या तीन महिलांनीच ही बॅग नेल्याचे समोर आलं. याप्रकरणी शिवाजीनगर पोलीस ठाण्यात गुन्हा दाखल करण्यात आला आहे.