गोवेली ते आळंदी पायी दिंडी सोहळ्याचे शुक्रवारी आळंदीकडे प्रस्थान..! कल्याण तालुका कुणबी समाज वारकरी संप्रदायाच्या पायी दिंडीचे आळंदीकडे प्रस्थान..! शेकडो वारकरी झाले पायी वारीत सहभागी..! पायी दिंडीत तरूणाचा भरणा..! सालाबाद प्रमाणे महाराष्ट्रातील लाखो‌ वारकरी शेकडो दिंड्यांच्या माध्यमातून मोठ्या उत्साहात संतश्रेष्ठ ज्ञानेश्वर माऊलींच्या संजीवन समाधी सोहळ्यासाठी ज्ञानोबा-तुकोबाचा जयघोष करत, ऊन, वारा व पावसाची तमा न बाळगता आळंदी कडे प्रयस्त होत असतात. याच धर्तीवर कल्याण तालुक्यातील कुणबी समाज वारकरी संप्रदाय मंडळाची गोवेली ते आळंदी पायी दिंडीचे आळंदीकडे प्रस्थान झाले. या दिंडी सोहळ्यात शेकडो लहान थोर वारकरी सहभागी झाले असल्याचे चित्र दिसून आले. भेटी लागे जीवा लागलीसे आस.. तसेच आपुल्या माहेरा जाईन मी... या संत उक्तीप्रमाणे येत्या १७ नोव्हंबर २०२५ रोजी संत श्रेष्ठ ज्ञानेश्वर माऊली यांच्या संजीवन समाधी सोहळा संपन्न होणार आहे. या सोहळ्याची वर्षेभर वाट पहाणारे वारकरी माऊलीच्या भेटीसाठी पायी दिंडीच्या माध्यमातून खांद्यावर भागवत धर्माची भगवी पताका घेऊन, हाताने टाळ-मृदूंगाचा गजर व मुखाने हरिनामाचा जयघोष करत हजारो पायी दिंड्या आळंदीकडे मार्गस्थ झाल्या आहेत. या धर्तीवर कल्याण तालुक्यातील कुणबी समाज वारकरी संप्रदाय मंडळाच्या पायी दिंडीचे आळंदीकडे प्रस्थान झाले. शेकडो महिला, पुरूष, तरूण, तरूणी व बाळ वारकरी या दिंडी सोहळ्यात सहभागी झाले आहेत. ज्ञानेबा...तुकुबांचा जयघोष करत दिंडी आळंदीकडे मार्गस्थ झाली आहे. सदर दिंडीत तरूणांचा भरणा जास्त असल्याचे जेष्ठ वारकरी हभप बाळाराम महाराज चौधरी, हभप दिलीप बुवा देवकर व हभप दामोदर धोरडे यांनी सांगीतले. तसेच तरूणांनी मोठ्या प्रमाणात सहभाग दाखविला तरच पुढे या दिंड्या अशाच अनादीकाळा पर्यंत चालतील असे मत व्यक्त ही त्यांनी व्यक्त केले. १२१- वारकरी‌ व दिंडी चालक