कल्याण तालुक्यात गेली दोन-चार दिवसापासून मुसळधार कोसळणाऱ्या पावसाचा फटका कल्याण ग्रामीण भागातील भात शेतीला मोठ्या प्रमाणात बसला असून शेकडो हेक्टर भात शेती यात बाधीत झाली आहे. यावर्षी अतिशय समाधानकारक पाऊस झाला असून भात पिक उत्तम प्रकारे आले होते; भरणीचा काळ सुरू झाला आहे. भात पिकाचे दाणे भरणी सुरू असतानाच पावसाचा तडाखा बसल्याने अनेक शेतकऱ्यांची भात शेती भुईसपाट झाली असून त्यावरून पाणी जात असल्याने पिक कुजून शेतकऱ्यांचं अतोनात नुकसान होण्याची दाट शक्यता वर्तवण्यात येत आहे. याबाबत शासनाने तातडीने पंचनामे करून अहवाल देण्याची गरज असल्याचं शेतकरी वर्गातून बोलले जाते. याचा आढावा घेतलाय आमचे प्रतिनिधी उमेश जाधव यांनी.