डोंबिवली सर्पदंश मृत्यू प्रकरण. एका रात्रीत दोन बळी. डॉक्टर निलंबित. निष्काळजीपणा भोवला. सर्पदंशाने भाची आणि मावशीचा मृत्यू प्रकरणी मोठी कारवाई. शास्त्रीनगर रुग्णालयातील डॉक्टर संजय जाधव निलंबित. आयुक्तांच्या आदेशानंतर तडकाफडकी निलंबन. जनआंदोलनाच्या धास्तीने प्रशासन हतबल. डोंबिवली खंबाळपाडा परिसरात आठवड्याभरापूर्वी घडलेली घटना. विषारी सर्पदंशाने मृत्यू झालेल्या ४ वर्षांची चिमुरडी विकी भोईर. तिची मावशी श्रुती ठाकूर. या प्रकरणी कल्याण-डोंबवली महानगरपालिकेने मोठी कारवाई केली आहे. या दुर्दैवी घटनेत निष्काळजीपणा केल्याच्या आरोपावरून शास्त्रीनगर रुग्णालयातील डॉक्टर संजय जाधव यांना आयुक्तांच्या आदेशानुसार निलंबित करण्यात आले आहे. डोंबिवली पूर्व खंबाळपाडा आजदे गावातील भागीरथी अपार्टमेंटमध्ये राहणारी प्राणवी शाळेला सुट्टी असल्यामुळे मावशी श्रुतीकडे पाहुणी म्हणून गेली होती. पहाटे ५ वाजता दोघी झोपेत असताना त्यांना सापाने दंश झाला. तातडीने दोघींना केडीएमसीच्या शास्त्रीनगर रुग्णालयात दाखल करण्यात आले, मात्र प्रकृती गंभीर झाल्याने त्यांना ठाणे सिव्हिल हॉस्पिटलमध्ये हलवावे लागले. मात्र उपचारादरम्यान, दोघींचाही दुर्दैवी मृत्यू झाला. मृत मुलीच्या कुटुंबीयांनी शास्त्रीनगर रुग्णालय प्रशासनावर गंभीर आरोप केले आहेत. रुग्णालयात वेळेत आणि योग्य उपचार न मिळाल्यानेच या दोन्हींचा जीव गेला, असा घरच्यांचा आक्रोश आहे. या मृत्यूंना जबाबदार असलेल्या डॉक्टरांवर कठोर कारवाई करण्याची मागणी कुटुंबीय करत होते. या घटनेनंतर संतप्त झालेले सर्वपक्ष कार्यकर्ते आणि ग्रामस्थांनी उद्या शास्त्रीनगर रुग्णालयावर धडक मोर्चा काढण्याचा इशारा दिला होता. जनखोभ उसळण्यापूर्वीच आयुक्तांनी या प्रकरणात लक्ष घालून तडकाफडकी निलंबनाची कारवाई केली आहे.