भिवंडी पंचायत समितीच्या ४२ गणांचे आरक्षण जाहीर ... २१ जागा महिलांसाठी राखीव... ऐन दिवाळीच्या मुहूर्तावर जिल्हा परिषद व पंचायत समिती निवडणुकीचे पडघम वाजण्यास सुरुवात झाली आहे. नुकताच ठाणे येथे झालेल्या पंचायत समिती सभापती आरक्षण सोडती मध्ये भिवंडी पंचायत समिती सभापती पद अनुसूचित जमाती महिलेसाठी राखीव झाल्या नंतर सोमवारी कामतघर येथील वऱ्हाळ माता मंगल कार्यालय या ठिकाणी उपविभागीय अधिकारी अमित सानप यांच्या मार्गदर्शनाखाली तहसीलदार अभिजित खोले यांच्या नेतृत्वा खाली पंचायत समितीच्या ४२ गणांसाठी आरक्षण सोडत पार पडली. यावेळी अनेक राजकीय पक्षांचे प्रतिनिधी इच्छुक उमेदवार आरक्षण सोडत पाहण्यासाठी उपस्थित होते. या आरक्षण सोडती मध्ये अनुसूचित जातीसाठी २,अनुसूचित जमाती साठी ८,नागरिकांचा मागास प्रवर्ग साठी ११ व सर्वसाधारण २१ अशा जागा असून यापैकी २१ जागा महिलांसाठी राखीव करण्यात आल्या आहेत. ही आरक्षण सोडत पार पडण्यासाठी निवासी नायब तहसीलदार विशाल इंदुलकर,आदेश म्हात्रे,सहाय्यक महसुल अधिकारी किरण केदार,अतुल नाईक,महसूल सहाय्यक आनंद पवार यांनी विशेष मेहनत घेतली .