स्‍लग – मंगेश काळोखे यांच्‍या हत्‍येनंतर शिवसेना राष्‍ट्रवादीतील वाद विकोपाला. मै हूँ डॉन म्‍हणत नाचणे हा तटकरेंचा निर्लज्‍जपणा. आमदार महेंद्र थोरवे यांची घणाघाती टीका. तुमच्‍या कार्यकर्त्‍याची हत्‍या झाली असती तर नाचला असतात का. आमदार महेंद्र थोरवे यांचा तटकरेंना सवाल. अँकर – रायगड जिल्‍ह्यात शिवसेना आणि राष्‍ट्रवादी कॉंग्रेसमध्ये वाद गेले वर्षभर सुरू असताना खोपोलीतील मंगेश काळोखे यांच्‍या हत्‍येनंतर तो आणखी चिघळला आहे. आपल्‍या सहयोगी पक्षाच्‍या कार्यकर्त्‍याची हत्‍या झाली असताना सुनील तटकरे हे एका कार्यक्रमात मैं हूँ डॉन या गाण्‍यावर डान्‍स करतात हा केवळ निर्लज्‍जपणा आहे, अशी घणाघाती टीका कर्जतचे आमदार महेंद्र थोरवे यांनी केलीय. आज मृत मंगेश काळोखे यांच्‍या तेराव्‍याचा विधी खोपोलीत पार पडला त्‍यानंतर थोरवे माध्‍यमांशी बोलत होते. यातून संपूर्ण राज्‍याचा डॉन मीच आहे, मला सत्तेतील लोकांचे पाठबळ आहे हे तर सुनील तटकरे यांना दाखवायचे नाही ना अशी शंका त्‍यांनी उपस्थित केलीय. हीच जर हत‍या तुमच‍या कुटुंबातील किंवा तुमच्‍या कार्यकर्त्‍यांची झाली असती तर तुम्‍ही अशा पदधतीने नाचला असतात का असा सवालही थोरवे यांनी उपस्थित केलाय. सुनील तटकरे यांनी भान ठेवायला हवं होते असंही ते म्हणाले. सुनील तटकरे हे पोलिस प्रशासनावर दबाव आणून सुधाकर घारे आणि भरत भगत यांना वाचवण्याचा प्रयत्न करीत असल्याचा आरोप थोरवे यांनी केलाय.