दिल्ली बम विस्फोट के बाद देहू मंदिर पर पुणे पुलिस ने कड़ा सुरक्षा बंदोबस्त किया

दिल्लीमध्ये झालेल्या भीषण बॉम्बस्फोटानंतर संपूर्ण देशात सुरक्षा यंत्रणा हायअलर्टवर आली आहे. त्याच पार्श्वभूमीवर पिंपरी-चिंचवड पोलिस आयुक्तालयाने देखील अलर्ट जारी केला असून, देहूर्यात संत तुकाराम महाराज मुख्य मंदिर परिसरात कडेकोट पोलीस बंदोबस्त तैनात करण्यात आला आहे. घातपात रोखण्यासाठी आणि भाविकांच्या सुरक्षेच्या दृष्टीने हा विशेष बंदोबस्त उभारण्यात आला आहे. देहूरोड पोलिस ठाण्याच्यावतीने घातपात विरोधी पथक, राज्य राखीव पोलीस बल गट क्र. ५, होमगार्ड पथक, तसेच पुणे शहर आणि रेल्वे पोलिस दलाचा समावेश असलेले सुमारे ३५० ते ४०० पोलिस अधिकारी व कर्मचारी या सुरक्षा व्यवस्थेत तैनात आहेत. यावेळी पोलीस अधिकारी मंदिर परिसरातील प्रत्येक हालचालीवर लक्ष ठेवून आहेत. भाविकांनी अफवांवर विश्वास न ठेवता शांतता आणि शिस्त राखण्याचे आवाहन पोलिसांकडून करण्यात आले आहे.