राज्याचे अन्न,नागरी पुरवठा व ग्राहक संरक्षण मंत्री छगन भुजबळ यांच्या हस्ते आज येवला पैठणी केंद्रात हातमाग विणकर बांधवांना मोफत नेत्र तपासणी शिबिराचा शुभारंभ करत चष्मे वाटप करण्यात आले. यावेळी मंत्री छगन भुजबळ यांनी विणकर बांधवांनी संवाद साधला. नाशिक येथील तुलसी आय हॉस्पिटल आणि येवल्यातील पैਠणी कलाकारी असोसिएशन (पैठणी क्लस्टर) यांच्या संयुक्त विद्यमाने अंगणगाव येथे खास येवला-लासलगाव मतदारसंघातील पैठणी हातमाग हातमाग विणकर कारागीर बंधू-भगिनींसाठी मोफत नेत्र तपासणी व चष्मेवाटप शिबिर आयोजित करण्यात आले आहे. याप्रसंगी मंत्री छगन भुजबळ यांच्या हस्ते मोफत नेत्र तपासणी शिबिराचे उद्घाटन करण्यात आले. तसेच गरजूंना पसंतीच्या फ्रेमसह मोफत नंबरचे चष्मे वाटपाचा देखील शुभारंभ केला.