राज्यात स्थानिक स्वराज्य संस्थांच्या निवडणुकांचे बिगुल वाजले असून युती आघाडी सोबत न जाता ऑल इंडिया दलित पॅंथर सेना राज्यात विविध ठिकाणी स्वबळावर निवडणुका लढणार असून त्या जिंकूनही दाखवणार असा दावा ऑल इंडिया दलित पॅंथर सेनेचे अध्यक्ष दीपक केदार यांनी येवल्यात केला आहे. शासकीय विश्रामगृह येवला या ठिकाणी पदाधिकाऱ्यांच्या आढावा बैठकीत केदारांनी निवडणुकांच्या संदर्भात रणशिंग फुंकले असून या प्रसंगी विविध मुस्लिम पदाधिकाऱ्यांनी ऑल इंडिया दलित पॅंथर सेनेमध्ये प्रवेश केला.