छत्रपती संभाजीनगर :नवीन आमदारांना दिवाळीची भेट, प्रत्येकी २ कोटी रुपयांचा निधी मंजूर डॉ. बाबासाहेब आंबेडकर सामाजिक विकास योजनेतून प्रत्येकी दोन कोटी रुपयांचा निधी मंजूर करून हा उपक्रम राबविण्यात आला आहे. जिल्ह्यातील फुलंब्री मतदारसंघाच्या आमदार अनुराधा चव्हाण, कन्नडच्या आमदार संजना जाधव आणि पैठणचे आमदार विलास भुमरे या तिघांना त्यांच्या मतदारसंघात विकासकामांसाठी प्रत्येकी दोन कोटी रुपयांचा निधी उपलब्ध होणार आहे. सामाजिक न्याय विभागांतर्गत राबविण्यात येणाऱ्या या योजनेतून दलित वस्त्यांमध्ये पायाभूत सुविधांसह विविध सामाजिक विकासकामे केली जातात.