जळगाव,पाचोरा जळगावच्या पाचोरा येथील विधानसभेच्या उमेदवार वैशाली सूर्यवंशी यांना 30 लाख रुपयांची खंडणी मागितल्याचा प्रकार समोर आला आहे याप्रकरणी वैशाली सूर्यवंशी यांनी दिलेल्या तक्रारीवरून पाचोरा पोलीस ठाण्यामध्ये अमन नावाच्या व्यक्तीविरुद्ध गुन्हा दाखल झाला आहे. शिवसेना ठाकरे गटाकडून मशाल चिन्हावर वैशाली सूर्यवंशी यांनी विधानसभेची निवडणुक लढवली होती, आता त्यांनी भाजपमध्ये प्रवेश केला आहे निवडणुकीत पैसे वाटल्या संदर्भातली तुमची आक्षेपार्ह बनावट क्लिप तयार करून सोशल मीडियावर व्हायरल करेल तसेच निवडणूक आयोग , इन्कम टॅक्स, सीबीआय व ईडी कडे तुमची तक्रार करेल. अशा पद्धतीने फोनवरून धमक्या देत वैशाली सूर्यवंशी यांच्याकडे तब्बल 30 लाख रुपयांची खंडणी मागत असल्याचे तक्रारीत नमूद आहे.. पैसे न दिल्यास तुमची समाजामध्ये बदनामी करेल, तुमचा व्यवसाय अडचणीत आणेल, तुमच्या गाडीमध्ये ड्रग्स ठेवून तुम्हाला अडचणीत आणेल, अशा धमक्या दिल्याचे देखील तक्रारीत नमूद आहे विधानसभेच्या निवडणुकीपासून अमन नावाचा व्यक्ती हा वेगवेगळ्या मोबाईल क्रमांकावरून संपर्क साधून धमक्या देत खंडणी मागत असल्याचा तक्रारीत नमूद आहे...