जळगाव जिल्ह्यामध्ये 18 नगरपरिषदा आणि नगरपंचायतींसाठी निवडणूक होणार असून त्यासाठी जळगाव जिल्हा प्रशासनाची तयारी पूर्ण झाली आहे. भुसावळ नगरपालिका ही अ वर्ग नगरपालिका, ब वर्ग पाच नगरपालिका , दहा क वर्ग नगरपालिका असून दोन नगरपंचायतीसाठी या निवडणुका होणार आहे. अशी माहिती जळगांवचे जिल्हाधिकारी रोहन घुगे यांनी बोलताना दिली आहे. निवडणुकीच्या पार्श्वभूमीवर अधिकाऱ्यांची नियुक्ती करण्यात आली असून आचारसंहितेच्या पार्श्वभूमीवर नुकतीच त्यांची बैठक पार पडली. आचारसंहितेचे काटेकोर पद्धतीने पालन करण्यात यावे याबद्दलच्या सूचना बैठकीत अधिकाऱ्यांना देण्यात आल्यााचं जिल्हाधिकारी यांनी सांगितलं. निवडणुकांच्या पार्श्वभूमीवर प्रतिबंधात्मक कारवाई संदर्भात देखील पोलीस दलाच्या माध्यमातून नियोजन केले जात असल्याचं जिल्हाधिकारी म्हणाले.