आंतरराष्ट्रीय महिला दिनानिमित्त चंद्रपूरात अस्मिता लीग मैदानी क्रीडा स्पर्धांचे करण्यात आले आयोजन, स्पर्धांमध्ये मोठ्या संख्येने मुली व महिलांनी उत्साहाने घेतला सहभाग आंतरराष्ट्रीय महिला दिनानिमित्त चंद्रपुरात जिल्हा क्रीडा अधिकारी कार्यालयातर्फे खेलो इंडिया योजनेअंतर्गत मुली व महिलांसाठी अस्मिता लीग मैदानी क्रीडा स्पर्धांचे आयोजन करण्यात आले. शाळा-महाविद्यालयातील मुली, क्रीडा संस्थांमधील महिला खेळाडू, शासकीय महिला अधिकारी व कर्मचारी, क्रीडा शिक्षक, सामाजिक संस्था व क्रीडाप्रेमी महिलांनी या स्पर्धेत मोठ्या संख्येने भाग घेतला. १३ वर्षांखालील मुलींसाठी १०० मीटर धावण्याची स्पर्धा, १३ ते १८ वर्षे वयोगटातील मुलींसाठी २०० मीटर धावण्याची स्पर्धा तर १८ वर्षांवरील मुली व महिलांसाठी ४०० मीटर धावण्याची स्पर्धा आयोजित करण्यात आली. या उपक्रमात महिला व बालकल्याण अधिकारी तसेच तालुका क्रीडा अधिकारी स्वतः  स्पर्धेत सहभागी झाल्या. या स्पर्धेमुळे बालपण पुन्हा एकदा जिवंत झाल्याचे त्यांनी सांगितले。