रामनगर के ममता अस्पताल में ऑक्सीजन पाइप चोरी; CCTV में कैद

हॉस्पिटल मध्ये रुग्णांना ऑक्सीजन पुरवणारे तांब्याचे पाईप लंपास, घटना CCTV कॅमेरात कैद रुग्णांचा जीव वाचवणारी ऑक्सिजन वाहिनीच चोरट्यांनी लंपास केल्याचा प्रकार छत्रपती संभाजीनगरच्या रामनगर परिसरातील ममता हॉस्पिटलमध्ये घडला आहे. चोरट्याने तब्बल ८९ हजार ६८० रुपये किमतीचे तब्बल २०० फूट लांबीचे तांब्याचे ऑक्सिजन पाइप अवघ्या २० मिनिटांत चोरून नेले. त्या वेळी एकही रुग्ण ऑक्सिजन किंवा व्हेंटिलेटरवर नसल्याने मोठा अनर्थ टळला. २०१२ मध्ये ताब्याचे दर सुमारे २५० रुपये किलो होते. सध्या ते ८०० रुपये किलो आहेत. तांब्याला मिळत असलेल्या भावामुळे चोरट्यांनी हे पाइप चोरले. शेजारील मंदिराच्या सीसीटीव्ही कॅमेरात हा संपूर्ण प्रकार कैद झाला असून याप्रकरणी मुकुन्दवाडी पोलीस ठाण्यात गुन्हा दाखल करण्यात आला आहे. तर सीसीटीव्ही कॅमेऱ्याच्या आधारे पोलीस आरोपीचा शोध घेत आहेत.