دہلی میں ناموس رسالت پر میٹنگ نئی دہلی ( پریس ریلیز ) آئی لو محمد پر پورے ملک میں ہونے والے حالیہ تنازعہ اور خاص طور پر کل بعد نماز جمعہ اترپردیش کے شہر بریلی میں پر امن طریقے سے صدائے احتجاج بلند کرنے والے اقلیتی فرقے کے لوگوں پر یوپی پولیس کے ذریعے کیے گئے ظلم و تشدد ، مظاہرین پر فرضی مقدمات اور لوگوں کی گرفتاری جیسے اہم موضوع پر غور و خوض اور ایک مکمل لائحہ عمل تیار کرنے کے لیے رضا اکیڈمی کے چیئرمین مولانا الحاج سعید نوری کی صدارت میں آج مٹیا محل میں علمآ ، مشائخ ، دانشور و عمائدین ملت کی ایک اہم مشاورتی میٹنگ منعقد ہوئی ، جس میں بریلی شریف کے واقعات پر شدید الفاظ میں مذمت کی گئی اور خاطی پولیس افسران کی معطلی اور سخت دفعات کے تحت ان کے خلاف قانونی کاروائی کرنے ، فرضی گرفتارہوں پر روک لگانے اور گرفتار کیے گئے نوجوانوں کی فوری رہائی کے مطالبات کیے گئے ، شرکائے میٹنگ نے کہا کہ آئی لو محمد کہنا اور لکھنا ہمارا مذہبی و آئینی حق ہے جسے کوئی طاقت کی بنیاد پر ہم سے چھین نہیں سکتا ، یہ کوئی ایسا متنازعہ مسئلہ ہے نہیں جسے بے وجہ مذہبی رنگ دیکر ملک کی پر امن فضا کو مکدر کرنے کی کوشش کی جارہی ہے ، سہارنپور ، کاشی پور ، وارانسی اور بریلی سمیت ملک کے مختلف حصوں سے آرہی کشیدگی کی خبروں سے ملک کا ہر پر امن شہری فکر مند ہے ، شرکآ نے حکومت و انتظامیہ کو آگاہ کیا کہ ناموس رسالت پر ہم کسی بھی صورت میں کوئی سمجھوتہ نہیں کریں گے اور تشدد کا جواب پر امن طریقے سے آئین ہند کے تحت دیں گے ، میٹنگ میں آئندہ 3 / اکتوبر کو پر امن بھارت بند پر بھی غور کیا گیا اور آل انڈیا اتحاد ملت کونسل کے صدر مولانا توقیر رضا کی ممکنہ گرفتاری کی بھی شدید الفاظ میں مذمت کی گئی ، میٹنگ کے اہم شرکآ میں مولانا الحاج سعید نوری ، مولانا محمد عباس رضوی ( ممبئی ) مولانا رئیس احمد ( مالیگاؤں ) جناب غلام ربانی ، ڈاکٹر شجاعت علی ، الحاج قاری ریاست علی رضوی ، مولانا کاظم علی مصباحی ، مولانا غلام حسین ، مولانا سید قیصر خالد فردوسی ، حاجی حسین آزاد ، قاری مشکور احمد اشرفی اور مولانا اعجاز احمد کشمیری کے نام شامل ہیں ، مہمانوں کی میزبانی محمد بکڈپو کے ڈائریکٹر سکندر علی سنبھلی نے کی ، مولانا نوری کی دعآ پر میٹنگ کا اختتام ہوا