ଏକତା ଦିବସ ଉପଲକ୍ଷେ ଗଣ ଦୌଡ଼ ଓ ପ୍ରବନ୍ଧ ପ୍ରତିଯୋଗିତା। ଖୋର୍ଦ୍ଧା:- ଭାରତର ଲୌହ ପୁରୁଷ ସର୍ଦ୍ଧାର ବଲ୍ଳଭଭାଇ ପଟେଲଙ୍କ ଆଜି ହେଉଛି ୧୫୦ତମ ଜନ୍ମ ଜୟନ୍ତୀ। ଦେଶକୁ ଏକତା ସୂତ୍ରରେ ବାନ୍ଧିବାରେ ତାଙ୍କର ଅବଦାନ ଅତୁଳନୀୟ। ସେ ଭଳି ଜଣେ ଜନନାୟକଙ୍କୁ ଆଜି ଦେଶବ୍ୟାପୀ କୃତଜ୍ଞତା ପ୍ରଦାନ କରାଯିବା ସହ ବିଭିନ୍ନ ଉତ୍ସବର ଆୟୋଜନ କରାଯାଇଥିଲା। ଅନୁରୂପ ଭାବେ ନିରାକାରପୁର ପୁଲିସ ପ୍ରଶାସନ ପକ୍ଷରୁ ଥାନା ଅଧିକାରୀ ବିଶ୍ବଜିତ ରାଉତରାୟଙ୍କ ନେତୃତ୍ୱରେ ସ୍ଥାନୀୟ ସ୍କୁଲ, କଲେଜର ଛାତ୍ରଛାତ୍ରୀଙ୍କ ସମେତ ଯୁବଗୋଷ୍ଠୀଙ୍କୁ ନେଇ ଥାନା ପରିসରଠାରୁ ଶ୍ରୀରାମ ମନ୍ଦିର ପର୍ଯ୍ୟନ୍ତ ଏକ ଗଣ ଦୌଡ଼ ଅନୁଷ୍ଠିତ ହୋଇଥିଲା। ଅନୁରୂପଭାବେ ସ୍ଥାନୀୟ ସରସ୍ବତୀ ଶିଶୁ ବିଦ୍ୟାମନ୍ଦିରରେ ଛାତ୍ରଛାତ୍ରୀଙ୍କୁ ନେଇ ଏକ ପ୍ରବନ୍ଧ ପ୍ରତିଯୋଗିତା କରାଯାଇ କୃତି ଛାତ୍ରଛାତ୍ରୀ ମାନଙ୍କୁ ପୁରୋସ୍କୃତ କରାଯାଇଥିଲା। ଆର୍ଯ୍ୟବିହାାରସ୍ଥିତ ସରସ୍ବତୀ ଶିଶୁମନ୍ଦିରର ସମ୍ପାଦକ ବିଭୁତି ଭୂଷଣ ଆଚାର୍ଯ୍ୟ,ପ୍ରଧାନ ଆଚାର୍ଯ୍ୟ ନଳିନୀ ରଥଙ୍କ ସମେତ ଥାନାର ଏଏସଆଇ ଗୁପ୍ତ ପ୍ରସାଦ ମହାନ୍ତି, ଏଏସଆଇ ଶରତ ଚନ୍ଦ୍ର ବେହେରା, ହାବିଲଦାର ରତ୍ନାକର ବେହେରା ଓ ଥାନାର ଅନ୍ୟାନ୍ୟ କର୍ମଚାରୀଙ୍କ ସମେତ ଶିଶୁମନ୍ଦିରର ସମସ୍ତ ଗୁରୁଜୀ, ଗୁରୁମା ଉପସ୍ଥିତ ରହି ସହଯୋଗ କରିଥିଲେ। କାର୍ଯ୍ୟକ୍ରମକୁ ଥାନାର ଶବଇନ୍ସପେକ୍ଟର ଦୀପାଳିଶା ନାୟକ ପରିଚାଳନା ସହ ଧନ୍ୟବାଦ ଅର୍ପଣ କରିଥିଲେ。