નવસારી બાગાયતી જિલ્લો છે. જેમાં વર્ષમાં બે વાર ચીકુનો પાક લેવામાં આવે છે, ત્યારે લાભ પાંચમના પવિત્ર દિવસે ચીકુની પ્રથમ સીઝનના મુર્હૂતમાં કમોસમી વરસાદ વેરી બન્યો અને ખેતીરોની સારા ભાવ મળવાની આશા પર પાણી ફેરવી દીધું હતો. લાભપાંચમે અમલસાડ માર્કેટ યાર્ડમાં વરસતા વરસાદમાં વેપારીઓએ હરાજી કરી, જેમાં પ્રતિ મણ 1000 થી 1600 રૂપિયાનો ભાવ પડ્યો હતું. વીએ/ઓ: છેલ્લા કેટલાક વર્ષોથી બદલાતા વાતાવરણમાં ચીકુના પાકમાં નવસારીના ખેડૂતો નુકશાની વેઠી રહ્યા છે. આ વર્ષે પણ ચોમાસામાં પડેલ ભારે વરસાદને કારણે ચીકુમાં ખરણ થવા સાથે ગુણવત્તા ઓછી થવાની ભીતિ હતી. છતાં ચીકુમાં ફ્લાવરિંગ સારુ રહેતા લાભ પાંચમે 15 હજાર મણ સુધીની આવક થવાની વેપારીઓને આશા હતી. પરંતુ મે મહિનાથી જ રહેલા વરસાદ ઓક્ટોબરના અંત સુધી રહેતા લાભ પાંચમના મુર્હૂતમાં પણ વરસાદ વેરી બન્યો હતો. ગણદેવી તાલુકાની સહકારી મંડળીઓ સહિત અમલસાડ માર્કેટ યાર્ડમાં નવા વર્ષના પ્રારંભે ભારતભરમાં જાણીતા અમલસાડી ચીકુની લાભ પાંચમના પાવન દિવસે ફક્ત 3 હજાર મણથી વધુ આવક થઈ હતી. જેમાં ખેડૂતોને પ્રતિ મણ ચીકુના 2000 હજારથી વધુ ભાવ મળવાની આશા હતી. પરંતુ હરાજી ટાણે જ મુશળધાર વરસાદે ખેડૂતોને નિરાશ કર્યા હતા. ખેડૂતની ધારણા પ્રમાણે ભાવ ન મળ્યા અને વેપારીઓની આશા પ્રમાણે ચીકુની આવક ન રહી, જો કે 25 થી 30 દિવસમાં ચીકુમાં સારી આવક થવાની સંભાવના રહી છે.