એકર સુરતપોલીસની સતત કાર્યવાહી વચ્ચે, ગુજરાતમાં દારૂની હેરાફેરી કરનારા માફિયાઓ રોજ નવા-નવા કીમિયા અપનાવી રહ્યા છે. દારૂબંધી હોવા છતાં, દારૂ માફિયાઓ પોલીસથી બચવા માટે અવનવા રસ્તાઓ શોધી કાઢે છે. આવો જ એક કિસ્સો સુરતમાં સામે આવ્યો છે. જ્યાં ભેસ્તાન પોલીસે એક દુકાનમાં દારૂનો મોટો જથ્થો ઝડપી પાડ્યો છે. પરંતુ આ દારૂ છુપાવવાની રીત જાણીને પોલીસ પણ ચોંકી ગઈ હતી.. વિઓ.1 ભેસ્તાન પોલીસે બાતમીના આધારે પોલીસે જ્યારે દુકાન પર દરોડો પાડ્યો. ત્યારે શરૂઆતમાં કંઈ વાંધાજનક જણાયું ન હતું. પરંતુ, પોલીસે જ્યારે વધુ તપાસ કરી, ત્યારે તેમને દુકાનમાં પડેલા એન્જિન ઓઇલના ડબ્બા પર શંકા ગઈ.પોલીસે એક ડબ્બો ખોલીને જોયો, તો અંદરથી એક પ્રવાહી નીકળ્યું. આ પ્રવાહી શું છે તે જાણવા માટે, પોલીસે તેને એક પ્લાસ્ટિકની બોટલમાં ભર્યું. બોટલમાં ભરતા જ પોલીસને જાણ થઈ કે આ પ્રવાહી બીજું કંઈ નહીં, પણ અંગ્રેજી દારૂ છે. દારૂ માફિયાઓએ એન્જિન ઓઇલના ડબ્બાનો ઉપયોગ દારૂની હેરાફેરી માટે કર્યો હતો. જેથી કોઈને શંકા ન જાય. પોલીસે દુકાનમાંથી મોટી માત્રામાં દારૂ જપ્ત કર્યો છે પોલીસને બાતમી મળી હતી કે ભેસ્તાનના સલીયાનગર ઇન્ડસ્ટ્રીઝમાં આવેલી ''''શ્રી જી ટ્રેડ્સ'''' નામની દુકાનમાં ગેરકાયદેસર રીતે વિદેશી દારૂનો મોટો જથ્થો સંગ્રહ કરીને વેચાણ થઈ રહ્યું છે. આ બાતમીના આધારે પોલીસે તાત્કાલિક દુકાન પર દરોડો પાડ્યો. દુકાનનો માલિક શૈલેન્દ્રકુમાર વેદરામસિંગ હાજર હતો. અને પોલીસને શરૂઆતમાં કંઈ શંકાસ્પદ જણાયું નહોતું. દુકાનમાં ચારે બાજુ મોટા પુઠાના બોક્સ ગોઠવેલા હતા. જેના પર ''''EURO LINE COOL TECHNOLOGI'''' અને ''''EUROMAX PREMIUM LONG LIFE COOLANT PRE-MAX'''' જેવા લેબલ લાગેલા હતા. જે સામાન્ય રીતે વાહનોના એન્જિન ઓઈલ અથવા કુલન્ટ માટે વપરાય છે.પોલીસને શંકા ગઈ અને તેમણે આ બોક્સની તપાસ કરવાનું શરૂ કર્યું. જ્યારે પોલીસે એક બોક્સ ખોલીને જોયું, તો અંદર એક-એક લિટરના 16 પ્લાસ્ટિકના ડબ્બા હતા. જેના પર ઓઈલના લેબલ લાગેલા હતા. પોલીસે એક ડબ્બો ખોલ્યો અને તેમાંથી નીકળેલું પ્રવાહી જોયું તો તે સામાન્ય ઓઈલ જેવું જ હતું. પરંતુ જ્યારે પોલીસે ધ્યાનપૂર્વક સુગંધ લીધી, ત્યારે તેમને તાત્કાલિક ખબર પડી કે આ તો શુદ્ધ અંગ્રેજી દારૂ છે. આ દારૂ માફિયાઓએ પોલીસને છેતરવા માટે એન્જિન ઓઈલના ડબ્બામાં દારૂ ભરીને હેરાફેરી કરવાનો નવો કીમિયો અપનાવ્યો હતો.પોલીસે એક પછી એક તમામ બોક્સની તપાસ કરી અને દુકાનમાંથી કુલ 30 બોક્સ મળી આવ્યા. આ બોક્સમાંથી અલગ-અલગ બ્રાન્ડનો કુલ 480 લિટર ભારતીય બનાવટનો વિદેશી દારૂ મળી આવ્યો. આ જથ્થાની કુલ કિંમત 5,24,000 રૂપિયા જેટલી થાય છે. ઝડપાયેલા દારૂના જથ્થાની વિગતવાર માહિતી * રોયલ ચેલેન્જર વ્હીસ્કી: 9 બોક્સ, જેમાં 144 લિટર દારૂ હતો. આ દારૂની બજાર કિંમત પ્રતિ લિટર 900 રૂપિયા લેખે કુલ 1,29,600 રૂપિયા થાય છે. * બ્લેન્ડર પ્રાઈડ વ્હીસ્કી: 11 બોક્સ, જેમાં 176 લિટર દારૂ હતો. આ દારૂની બજાર કિંમત પ્રતિ લિટર 1300 રૂપિયા લેખે કુલ 2,28,800 રૂપિયા થાય છે. * સિગ્નેચર વ્હીસ્કી: 3 બોક્સ, જેમાં 48 લિટર દારૂ હતો. આ દારૂની બજાર કિંમત પ્રતિ લિટર 1300 રૂપિયા લેખે કુલ 62,400 રૂપિયા થાય છે. * રોયલ સ્ટેગ વ્હીસ્કી: 5 બોક્સ, જેમાં 80 લિટર દારૂ હતો. આ દારૂની બજાર કિંમત પ્રતિ લિટર 900 રૂપિયા લેખે કુલ 72,000 રૂપિયા થાય છે. * ઈમ્પિરિયલ બ્લુ વ્હીસ્કી: 1 બોક્સ, જેમાં 16 લિટર દારૂ હતો. આ દારૂની બજાર કિંમત પ્રતિ લિટર 750 રૂપિયા લેખે કુલ 12,000 રૂપિયા થાય છે. * મેકડોનાલ્ડ વ્હીસ્કી: 1 બોક્સ, જેમાં 16 લિટર દારૂ હતો. આ દારૂની બજાર કિંમત પ્રતિ લિટર 1200 રૂપિયા લેખે કુલ 19,200 રૂપિયા થાય છે. બોલેરો પીકઅપ સાથે અન્ય આરોપીઓ પણ ઝડપાયા પોલીસે દુકાનના માલિક શૈલેન્દ્રકુમાર સિંગની અટકાયત કરી અને તેની પૂછપરછ કરતાં તેણે જણાવ્યું કે આ દારૂનો જથ્થો અનિલસિંગ વેદરામસિંગ નામના વ્યક્તિએ બોઈસર તારાપુરથી મોકલાવ્યો હતો. આ દારૂ મહિન્દ્રા બોલેરો પીકઅપ વાહન (રજી. નં. MH-48CB-4850) માં ભરીને રામકુમાર રામરાજ ઉપાધ્યાય લાવ્યો હતો. પોલીસે તાત્કાલિક કાર્યવાહી કરીને રામકુમાર ઉપાધ્યાયની પણ અટકાયત કરી છે. આ દરોડા દરમિયાન પોલીસે 4,00,000 રૂપિયાની કિંમતનું બોલેરો પીકઅપ, 50,000 રૂપિયાનું ટી.વી.એસ. જ્યુપિટર મોપેડ (રજી. નં. GJ-05-TE-4297), અને બે મોબાઇલ ફોન મળી કુલ 9,84,000 રૂપિયાનો મુદ્દામાલ કબજે કર્યો છે.. પોલીસે શૈલેન્દ્રકુમાર અને રામકુમાર બંને આરોપીઓ સામે કાયદેસરની કાર્યવાહી કરી છે. જ્યારે મુખ્ય આરોપી અનિલસિંગ વેદરામસિંગને વોન્ટેડ જાહેર કરીને તેને પકડવા માટે તપાસ હાથ ધરી છે. સુરત ગુજરાતમાં દારૂબંધી છતાં દારૂ માફિયાઓ નવી-નવી રીત અપનાવે છે સુરતના ભેસ્તાનમાં એન્જિન ઓઈલના ડબ્બામાં છુપાવેલો દારૂ ઝડપાયો ‘શ્રી જી ટ્રેડ્સ’ દુકાનમાં પોલીસે બાતમીના આધારે દરોડો પાડ્યો દુકાનમાં ઓઈલના ડબ્બામાંથી નીકળ્યો અંગ્રેજી દારૂ દારૂ માફિયાઓએ ઓઈલના લેબલ લગાવી પોલીસને છેતરવાનો પ્રયાસ કર્યો કુલ 30 બોક્સમાંથી 480 લિટર ભારતીય બનાવટનો વિદેશી દારૂ મળ્યો ઝડપાયેલા દારૂની કુલ કિંમત 5.24 લાખ જેટલી આંકાઈ રોયલ ચેલેન્જર, બ્લેન્ડર પ્રાઈડ, સિગ્નેચર સહિત અનેક બ્રાન્ડનો જથ્થો મળ્યો દુકાનના માલિક શૈલેન્દ્રકુમાર વેદરામસિંગની અટકાયત દારૂ બોઈસર તારાપુરથી મોકલાવનાર અનિલસિંગ વેદરામસિંગ વોન્ટેડ બોલેરો પીકઅપમાં દારૂ લાવનાર રામકુમાર ઉપાધ્યાય ઝડપાયો બોલેરો પીકઅપ વાહન અને ટી.વી.એસ. જ્યુપિટર મોપેડ કબજે બે મોબાઇલ ફોન સહિત કુલ 9.84 લાખનો મુદ્દામાલ કબજે પોલીસે દારૂ હેરાફેરીનો નવો કીમિયો બહાર પાડ્યો ભેસ્તાન પોલીસે સમગ્ર કેસમાં વધુ તપાસ હાથ ધરી