देवभूमि द्वारका में अचानक बारिश से किसानों के चेहरे खिल उठे

*Devbhumi Dwarka* *Karmur Govind Ahir Jam-Khambhaliya* *Mo.9714610000* જામ ખંભાળિયા પંથકમાં વાતાવરણમાં પલટો, અચાનક વરસાદથી ખેડૂતોમાં ખુશીની લહેર જામ ખંભાળિયા લાંબા સમયના વિરામ બાદ જામ ખંભાળિયા પંથકમાં વાતાવરણમાં અચાનક પલટો આવ્યો છે. આજે બપોર બાદ આકાશમાં કાળા ડિબાંગ વાદળો છવાયા હતા અને ગત મોડી સાંજે પંથકના ગ્રામીણ વિસ્તારો જેવા કે ભાડથર, લાલુકા, સેઢા ભાડથર સહિતના ગામોમાં મેઘરાજાની પધરામણી થઈ હતી. ચોમાસાના અંતિમ તબક્કામાં અચાનક આવેલા આ વરસાદને કારણે ખેડૂતોમાં ખુશીની લાગણી છવાઈ ગઈ છે. આ સમય સિંચાઈ માટે અત્યંત મહત્ત્વનો ગણાય છે. હાલમાં ખેતરોમાં ઊભા પાક, જેમ કે કપાસ અને મગફળી, સુકાઈ રહ્યા હતા, ત્યારે આ વરસાદે પાકને નવજીવન આપ્યું છે. વરસાદના કારણે પાકને સમયસર પાણી મળતાં ખેડૂતોમાં આનંદની લાગણી જોવા મળી રહી છે. વરસાદને પગલે વાતાવરણમાં ઠંડક પ્રસરી ગઈ છે. આ વરસાદથી ખેતી પાકને ફાયદો થતાં ખેડૂતો હવે સારા ઉત્પાદનની આશા રાખી રહ્યા છે. જગતના તાત માટે આ વરસાદ ખરેખર જીવતદાન સમાન સાબિત થયો છે.