એપ્રુવ્ડ બાય : એસાઇનમેન્ટ સ્લગ : 2807ZK_NVS_CYBER_STROM નોંધ : વિઝ્યુઅલ અને બાઈટ FTP માં 7 જુલાઈના ફોલ્ડરમાં આજના 28 જુલાઈના ફોલ્ડરમાં અપલોડ કર્યા છે... એંકર : અલગ અલગ રીતે સાયબર ફ્રોડ કરી કરોડો રૂપિયાની છેતરપિંડીના 30 ગુનાઓમાં સંડોવાયેલા 64 લોકોને નવસારી જિલ્લા પોલીસે ઓપરેશન સાયબર સ્ટ્રોમ હેઠળ 9 રાજ્યોમાંથી પકડી પાડી, સાયબર ક્રાઇમના નેટવર્કને ક્રેક કરવાનો પ્રયાસ કર્યો છે. વી/ઓ : છેલ્લા થોડા વર્ષોમાં સાયબર ક્રાઈમની ઘટનાઓ વધી છે. ખાસ કરીને સોશ્યલ મીડિયાના માધ્યમથી નવસારી જિલ્લાના અનેક લોકોને ઈન્વેસ્ટમેન્ટ, હાઉસ એરેસ્ટ, લોભામણી જાહેરાતો સહિતના અનેક તુક્કાઓ લગાવીને કોરોડો રૂપિયા ખંખેર્યા હોવાની ફરિયાદો સાયબર ક્રાઈમ પોલીસ મથકના ચોપડે નોંધાઈ હતી. જેમાં સાયબર ક્રાઈમની ટીમ સાથે જિલ્લા પોલીસના અલગ અલગ પોલીસ મથકોની પોલીસ ટુકડી પણ જોડાઈ હતી. જેમાં પ્રથમ જે સાયબર ક્રાઈમમાં રૂપિયા મેળવવા જે બેંક એકાઉન્ટનો ઉપયોગ થયો હોય, એવા બેંક એકાઉન્ટ શોધી, તેના ખાતા ધારકોની ધરપકડ કરવા સાથે આગળની કડી જોડીને દેશવ્યાપી ગુનાના નેટવર્કને ભેદવામાં નવસારી પોલીસ સફળ થઈ છે. જેમાં ગુજરાતના સુરત, અમદાવાદ, રાજકોટ જેવા શહેરો સહિત મહારાષ્ટ્ર, રાજસ્થાન, મધ્યપ્રદેશ, હરિયાણા, દિલ્હી, તેલંગાણા, આસામ અને કેરળ મળી 9 રાજ્યનો સમાવેશ થાય છે. દેશના 9 રાજ્યોમાં ફેલાયેલા નેટવર્કમાંથી પોલીસે છેલ્લા બે મહિનામાં કુલ 64 આરોપીઓને ઝડપી પાડી જેલ હવાલે કર્યા છે. 64 આરોપીઓમાં પોલીસે અગાઉ 35 આરોપીઓ પકડ્યા હતા અને ત્યારબાદ તેમની પૂછપરછ થકી વધુ 29 આરોપીઓને પકડવામાં સફળ રહી છે. જેમાં મહત્વની ઈન્વેસ્ટમેન્ટ, બેન્કિંગ કસ્ટમર સર્વિસ, સોશ્યલ મીડિયા, ડીજીટલ એરેસ્ટ અને ખેતીવાડીમાં લેનદેન બાબતની 5 સાયબર ક્રાઇમની પધ્ધતિને પોલીસે ઉકેલી તેમાં આરોપીઓને જેલમાં ધકેલ્યા છે. સમગ્ર ઓપરેશન દરમિયાન નવસારી પોલીસની કુલ 22 ટીમોએ અલગ અલગ રાજ્યોમાંથી 60 આરોપીઓ પકડ્યા, જ્યારે 4 આરોપી દેશની અલગ અલગ જેલોમાં કેદ હોય, તેમને ટ્રાન્સફર વોરંટથી કબ્જો મેળવી ધરપકડની તજવીજ હાથ ધરી છે. બાઈટ : સુશિલ અગ્રવાલ, જિલ્લા પોલીસ અધિક્ષક, નવસારી વી/ઓ : નવસારી પોલીસે હાલમાં જ 24 વર્ષીય કરણ ઉર્ફે શિવા પાંડે અને રાજસ્થાનના 33 વર્ષીય આનંદ શ્રીવાસ્તવની સાયબર સ્ટ્રોમ હેઠળ ધરપકડ કરી છે. જેમાં આનંદ શ્રીવાસ્તવ સાયબર ગુનાઓનો માસ્ટર માઇન્ડ હોવાનું ખુલ્યું છે. આનંદ તેના ભાઈઓ સચિન અને નવીન સાથે મળીને મોટાપાયે સાયબર ગુનાને અંજામ આપતો હતો. રાજસ્થાનમાં બેંક દ્વારા ગામડામાં બેંક સુવિધા પહોંચાડવા ઈ મિત્ર બનાવવામાં આવે છે. ત્યારે આનંદ અને તેના ભાઈઓની ટોળકી ઈ મિત્રને બેંક મેનેજરના નામે ફોન કરીને તેમનો આધારકાર્ડ મેળવી, તેમનો પોતાનો મોબાઇલ ફોન તેની સાથે જોડી લેતા હતા. બાદમાં તેઓ દ્વારા એ આધાર લિંક્ડ મોબાઇલ નંબર થકી બેંક એકાઉન્ટ ખોલાવીને, તેનો સાયબર ગુનામાં ઉપયોગ કરતા હતા. આનંદ પાસેથી પોલીસને 9 મોબાઈલ મળ્યા છે. જેના દ્વારા સાયબર ક્રાઈમમાં ઉપયોગમાં લેવાતા 164 મોબાઈલ નંબર અને તેના થકી 214 બેંક એકાઉન્ટ ખોલાવ્યા છે. સાથે જ 200 થી વધુ ઈમેઇલ પણ બનાવાયા હતા. જોકે મોબાઈલ નંબરોમાં 134 ની પોલીસ ચોપડે ફરિયાદ પણ નોંધાઈ છે. શ્રીવાસ્તવ બ્રધર્સની બેંકના ગ્રાહકો નહીં, પણ બેંકના ઈ મિત્રને શોધી તેમના નામે ફ્રોડ કરવાની નવી જ મોડ્સ ઓપરેન્ડી વિકસાવી હતી. બાઈટ : સુશિલ અગ્રવાલ, જિલ્લા પોલીસ અધિક્ષક, નવસારી વી/ઓ : નવસારી જિલ્લા પોલીસ દ્વારા સાયબર સ્ટ્રોમ હેઠળ પકડેલા આરોપીઓમાં 40 ગુજરાતના, 9 મહારાષ્ટ્રના, 2 તેલંગાણાથી, 2 હરિયાણાથી, 1 મધ્યપ્રદેશથી અને એક દિલ્હીથી પકડ્યો હતો. પોલીસની ઉંડાણ પૂર્વકની તપાસમાં સાયબર ક્રાઈમનું આ નેટવર્ક દેશના અલગ અલગ રાજ્યોમાં ફેલાયેલું છે. જેની સાથે જ આંતરરાષ્ટ્રીય સ્તરે દુબઈ અને ત્યાંથી કંબોડિયા, વિયેતનામ, લાઓસ જેવા દેશોમાંથી ચાઇનીઝ ગુનેગારો સુધીનું નેટવર્ક હોવાનું સામે આવ્યું છે. જેમાં કંબોડિયા, વિયેતનામ, લાઓસ જેવા દેશોમાં રીતસરના કોલ સેન્ટરો જ કાર્યરત છે. જોકે અત્યાર સુધીમાં પોલીસ રાષ્ટ્રીય સ્તરે જ આરોપીઓને પકડી શકી છે. પરંતુ અંતરરાષ્ટ્રીય સ્તરના આરોપીઓને શોધી, તેમના નેટવર્કને ક્રેક કરવા સાથે જ તેમને પકડવા સુધીની કવાયત હાથ ધરી છે.