રિપોર્ટર: નવનીત દલવાડી. લોકેશન: ભાવનગર. તારીખ: ૨૭/૦૯/૨૦૨૫. સ્ટોરી: પેકેજ. એપ્રુવલ: હમીમ સર. સ્લગ: ભાવનગર માર્કેટયાર્ડમાં લીંબુના ભાવ ગગડ્યા, ત્રણ રૂપિયે કીલો વેચાયા લીંબુ. એન્કર : ભાવનગર માર્કેટ યાર્ડમાં લીંબુના ભાવ ગગડી જતા ખેડૂતો મૂંઝાયા, ત્રણથી ચાર રૂપિયા કિલોના ભાવે વેચાયા ખેડૂતોના લીંબુ, એક સમયે 200 રૂપિયા કિલોના ભાવે વેચાતા લીંબુના હાલ ખેડૂતોને રૂપિયા 3 થી 15 સુધીના ભાવ મળી રહ્યા છે, ખેડૂતોએ લીંબુના વાવેતરથી લલણી સુધીનો ભાવ પણ નહીં નીકળતા ખેડૂતોને પડ્યા પર પાટુ જેવી સ્થિતિનું નિર્માણ થયું છે. વિઓ ૧: ઉનાળામાં લીંબુનું પુષ્કળ વેચાણ થતું હોય છે, ગરમીના સમયે લોકો વિટામિન સી થી ભરપૂર લીંબુનો મોટાપાયે ઉપયોગ કરતા હોય છે, પરંતુ એ સમયે લીંબુની આવકો ઓછી રહેતા લીંબુના ભાવ આકાશને આંબતા હોય છે, જેના કારણે ખેડૂતોને ઉનાળાના સમયમાં લીંબુના કિલો દીઠ 100 થી 250 સુધીના ભાવ મળી રહે છે, પરંતુ હાલ ચોમાસું હોય બજારમાં લીંબુની મોટાપાયે આવક થઈ રહી છે, બીજી બાજુ ઉત્પાદન થઈ રહ્યું છે, પુષ્કળ ઉત્પાદનના કારણે ખેડૂતો મોટા પ્રમાણમાં લીંબુના વેચાણ કરવા આવી રહ્યા છે, લીંબુની યાર્ડમાં પુષ્કળ આવકો થતા લીંબુના ભાવ ગગડી ને સિઝનના તળીયે પહોંચી ગયા છે, લીંબુ માર્કેટમાં લીંબુના ભાવમાં રોજે રોજ કડાકો બોલી રહ્યો છે, બે દિવસ પહેલા લીંબુના ભાવ કિલો દીઠ 5 રૂપિયાથી સારામાં સારા લીંબુના 35 રૂપિયા સુધી ભાવ બોલાયા હતા, પરંતુ આજે સારા લીંબુના ભાવ 15 રૂપિયા ગગડીને 20 રૂપિયા કિલો સુધી પહોંચી ગયા છે, તેમજ નબળી ગુણવત્તા ધરાવતા લીંબુના ભાવ 3 રૂપિયાથી 10 રૂપિયા કિલો સુધી પહોંચી ગયા છે, હાલ ચોમાસામાં વરસાદની સિઝન હોય લીંબુ બગાડવાની સંભાવના વધી જાય છે, જ્યારે ઉત્પાદન પણ વધારે આવતા બજારમાં લીંબુની મબલખ આવક થઈ રહી છે, ભાવનગરમાંથી મહારાષ્ટ્ર અને હરિયાણા પ્રદેશમાં લીંબુનું વેચાણ કરવામાં આવતું હોય છે, જેમાં અન્ય રાજ્યમાંથી લીંબુની ખરીદી શરૂ થતા ગુજરાતમાંથી લીંબુનું વેચાણ ઘટી ગયું છે, જે પણ લીંબુના ભાવ ઘટાડા માટે મહત્વનું સાબિત થઈ રહ્યું છે, હાલમાં લીંબુ બગડી જવાની બીકે ખેડૂતો ઢગલે ઢગલા લીંબુ માર્કેટમાં ઠાલવી રહ્યા છે, પરંતુ પોષણક્ષમ ભાવ નહીં મળતા ખેડૂતો મુશ્કેલીમાં મુકાયા છે. વિઓ ૨: લીંબુનું વાવેતર કર્યા પછી ખેડૂતોને તેની સતત ચાર વર્ષ સુધી માવજત કરવી પડતી હોય છે, ખેડૂતો ઉત્પાદન પૂર્વે ખાતર, નીંદામણ, મજૂરી સહિત અનેક પ્રકારનાં ખર્ચાઓ ભોગવે છે, અને ઉત્પાદન શરૂ થયા બાદ લીંબુનું ફળ મોટું થાય ત્યાં સુધી માવજત કરવી પડે છે, અને અંતે લીંબુનું ઉત્પાદન થતા તેને બજાર સુધી લઈ જવા ખેડૂતોને પોટકા દીઠ ચોક્કસ રકમ ચૂકવવી પડે છે, પરંતુ લીંબુમાં પૂરતા ભાવ નહીં મળતા તેમજ ઓછા ભાવે વેચાણ થતા પડતર ખર્ચ પણ નથી નીકળતો, હાલમાં લીંબુનું ઉત્પાદન વધ્યું છે, લીંબુના 10 કિલોના પોટકા ને ખેતરથી બજારમાં લાવવા સુધી ખાતર, માવજત, મજૂરી, ગાડી ભાડું બધું મળી 70 થી 80 રૂપિયા ખર્ચ થાય છે, જ્યારે એક 10 કિલોનું લીંબુનું પોટલું 80 થી 100 રૂપિયા જેવી નજીવા ભાવે વેચાણ થતા પડતર ખર્ચ પણ નથી નીકળતો, પડતર સામે ખેડૂતોને પૂરતા ભાવ નહીં મળતા ખેડૂતો મૂંઝવણ અનુભવી રહ્યા છે, જો આમ જ ચાલશે તો ખેડૂતો લીંબુની ખેતી છોડી અન્ય પાકો લેવાનું શરૂ કરી દેશે. બાઈટ: ઈશ્વરભાઈ ઘોરી, ખેડૂત, ફરિયાદકા ગામ. બાઈટ: રાજુભાઈ આહિર, ખેડૂત, ભાવનગર. બાઈટ: હીપાભાઈ દેવીપૂજક, ભાગીયો, લોલિયાણા ગામ. બાઈટ: શંભુભાઈ પટેલ, ખેડૂત, ચોક ગામ. બાઈટ: વિરેન્દ્રસિંહ ગોહીલ, લીંબુના વેપારી, ભાવનગર માર્કેટયાર્ડ.