ટેમ્પોચાલક પાસે ૧ ટેમ્પોના ૫૦૦ રૂપિયા લેખે ૩૦ ટેમ્પોના ૧૫ હજારની લાંચ લેતા બે ટીઆરબી અમદાવાદ એસીબીની ઝપડે ચઢી ગયા છે. એકને રંગેહાથ પકડી લેવાયો હતો તો બીજો હાલ વોન્ટેડ છે. વિઓ.1 કાપડ માર્કેટમાં યાર્ન, સાડીની હેરાફેરી માટે ૩ ટેમ્પો ધરાવતા ટેમ્પોમાલિક પાસે ટ્રાફિકના રિજિયન-૩ના ટીઆરબી પીયૂષ રાજપૂતે લાંચ માંગી હતી. પીયૂષે પોતે ટ્રાફિકનો વહીવટદાર હોવાનું જણાવી ટેમ્પોમાલિકના ૩ અને તેના ગ્રૂપના વાહનો મળી કુલ ૩૦ વાહનોને રિજિયન-૩ વિસ્તારમાંથી પસાર થવા દેવા માટે ફોર વ્હીલરના ૧૦૦૦ લેખે અને થ્રી વ્હીલરના ૭૦૦ લેખે લાંચ માંગી હતી. જે બદલ ટ્રાફિકના કર્મચારીઓ ટેમ્પો અટકાવશે નહિ કે ખોટી રીતે પરેશાન કરશે નહિ એવી પણ વાત કરાઈ હતી. રકઝકના અંતે વાહન દીઠ ૫૦૦ રૂપિયા આપવાનું નક્કી થયું હતું. ટેમ્પોમાલિક લાંચની રકમ આપવા માંગતો હોય અમદાવાદ એન્ટિ-કરપ્શન બ્યુરોમાં ફરિયાદ કરી દીધી હતી. એસીબીએ ડિંડોલીમાં સાઈ પોઈન્ટ પર છટકું ગોઠવ્યું હતું. જ્યાં ટીઆરબી પીયૂષે ફરિયાદી ટેમ્પોમાલિકને ફોન કરી લાંચના નાણાં અન્ય ટીઆરબી ધર્મેશ સારાભાઈ ભરવાડને આપવા જણાવ્યું હતું. ટેમ્પોમાલિક પાસે લાંચના ૧૫ હજાર લેતા ધર્મેશ રંગેહાથ એસીબીના છટકામાં પકડાઈ ગયો હતો. એસીબીએ મુખ્ય આરોપી પીયૂષ ઉર્ફે રાહુલ રાજપૂતને વોન્ટેડ જાહેર કર્યો હતો.એન્ટી કરપ્શન બ્યુરોએ આ મામલે વિધિવત્ ગુનો નોંધ્યો હતો. લાંચકાંડમાં પોલીસ કર્મીઓ સામેલ છે કે કેમ તે દિશામાં તપાસનો ધમધમાટ શરૂ કરાયો હોવાનું પણ જાણવા મળે છે બાઈટ..આર આર ચૌધરી..એસીપી..એસીબી