વલસાડના રખોડીયા તળાવ વિસ્તાર મા આજે સવારે એક ગંભીર દુર્ઘટના ઘટતા ઘટતા રહી ગઈ હતી. અહીં આવેલી આંગણવાડીમાં જ્યારે બાળકો નાસ્તો કરી રહ્યા હતા. તે જ સમયે છતનો સ્લેબ અચાનક ધડાકાભેર તૂટી પડ્યો હતો. આ ઘટનાને પગલે આંગણવાડીમાં અફરાતફરી મચી ગઈ હતી. સ્લેબ તૂટ્યો તે સમયે બાળકો નીચે બેસીને નાસ્તો કરી રહ્યા હતા. કાટમાળ પડવાથી કેટલાક બાળકોને નાની-મોટી ઈજાઓ પહોંચી હતી. ઘટનાની જાણ થતાં જ તાત્કાળ ડોક્ટરને બોલાવ્યો હતો અને ઈજાગ્રસ્ત બાળકોને પ્રાથમિક સારવાર આપવામાં આવી હતી. સદભાગ્યે, આ દુર્ઘટનામાં કોઈ ગંભીર જાનહાનિ થઈ નથી, ચાલંકાવનારી વાત એ છે કે આ આંગણવાડીનું લોકાર્પણ ગત એપ્રિલ મહિનામાં જ કરવામાં આવ્યું હતું. માત્ર ગણતરીના મહિનાઓમાં જ નવી બનેલી સરકારી ઈમારતનો સ્લેબ તૂટી પડતાં બિલ્ડિંગની ગુણવત્તા સામે ગંભીર સવાલો ઊભા થયા છે. આ ઘટનાે સ્થાનિક તંત્રની કામગીરી પર અનેક પ્રશ્નો ઊભા કર્યા છે અને વાલીઓમાં ભારે રોષ જોવા મળી રહ્યો છે.