રાજ્ય સરકાર દ્વારા સરકારી શાળાઓમાં અભ્યાસ કરતા બાળકો, અને ખાસ કરીને દિવ્યાંગ બાળકોના શિક્ષણ અને આર્થિક સશક્તિકરણ માટે અનેક મહત્વપૂર્ણ યોજનાઓ અમલમાં મૂકવામાં આવી છેસરકાર દ્વારા તમામ બાળકોને શિષ્યવૃત્તિ આપવામાં આવે છે, પરંતુ દિવ્યાંગ બાળકો માટે વિશેષ જોગવાઈ છે. બાળકની દિવ્યાંગતાના પ્રકાર અને તેની ટકાવારીના આધારે શિષ્યવૃત્તિની રકમ નક્કી કરવામાં આવે છે. પારદર્શિતા જળવાઈ રહે તે માટે આ રકમ સરકાર દ્વારા સીધી જ વિદ્યાર્થીઓના બેંક ખાતામાં ક્રેડિટ કરવામાં આવે છે. આ આર્થિક સહાયનો મુખ્ય ઉદ્દેશ્ય બાળકોને વિવિધ સ્પર્ધાત્મક અને શિષ્યવૃત્તિ લક્ષી પરીક્ષાઓમાં मददરૂપ થવાનો અને તેમના અભ્યાસમાં આર્થિક ટેકો પૂરો પાડવાનો છે. શાળાની સૌથી મોટી સિદ્ધિ એ છે કે અહીં ગુજરાત રાજ્યની સૌપ્રથમ 'થિંકર બેલ લેબ' સ્થાપિત કરવામાં આવી છે આ લેબની વિશેષતા એ છે કે અહીં દિવ્યાંગ બાળકો, ખાસ કરીને પ્રજ્ઞાચક્ષુ વિદ્યાર્થીઓ, કોઈની મદદ વિના જાતે જ બ્રેઈલ લિપિ શીખી શકે છે. આ લેબમાં તેઓ બ્રેઈલ લિપિ લખી શકે છે, વાંચી શકે છે અને તેનું ઉચ્ચારણ પણ સાંભળી શકે છે. આ ટેકનોલોજીના કારણે દિવ્યાંગ બાળકો શિક્ષણમાં આત્મનિર્ભર બની રહ્યા છે.