એંકર:સુરત: દક્ષિણ ગુજરાત વીજ કંપની લિમિટેડ (DGVCL) ની ગંભીર બેદરકારી સુરત શહેરના પાંડેસરા વિસ્તારમાં સામે આવી છે. અહીં દક્ષેશ્વર નગરમાં આવેલું ટ્રાન્સફોર્મર છેલ્લા ચાર મહિનાથી ભયજનક હાલતમાં છે. જે સ્થાનિકો માટે જીવતા બોમ્બ સમાન બની ગયું છે. ટ્રાન્સફોર્મરનું ફેન્સીંગ બેરીકેટ છેલ્લાં ચાર મહિનાથી તૂટેલી હાલતમાં છે. સુરક્ષા માટે લગાવવામાં આવેલો આ બેરીકેટ તૂટી જવાથી ટ્રાન્સફોર્મરની આસપાસ કોઈ સુરક્ષા રહી નથી. આટલું જ નહીં, ટ્રાન્સફોર્મર પાસેની મીટર પેટી પણ ખુલ્લી હાલતમાં છે. સૌથી ગંભીર બાબત એ છે કે ટ્રાન્સફોર્મરમાંથી જીવતા બોમ્બ સમાન વાયર ખુલ્લી હાલતમાં લટકતા જોવા મળ્યા છે. આ વાયર ખુલ્લા હોવાને કારણે અહીંથી પસાર થતા રાહદારીઓ, ખાસ કરીને બાળકો માટે ગમે ત્યારે મોટી દુર્ઘટના સર્જાઈ શકે છે. પ્રશાંત ઢીવરે - સુરત લોકલોએ ઉગ્ર માંગણી કરી છે કે DGVCL દ્વારા તાત્કાલિક ધોરણે આ ટ્રાન્સફોર્મરની આસપાસ સુરક્ષા માટેના ફેન્સીંગ બેરીકેટ લગાવવામાં આવે અને ખુલ્લા લટકતા વાયરો તેમજ મીટર પેટીને સુરક્ષિત કરવામાં આવે, જેથી કોઈ મોટી જાનહાનિ થાય તે પહેલા તેને અટકાવી શકાય.